O hoquei a patíns galego ten unha dupla coruñesa como representación na Ok Prata feminina, a segunda categoría desta disciplina no ámbito estatal. O Hockey Club Liceo e o Hockey Club Borbolla son os conxuntos que militarán nesta competición.
Ver esta publicación en Instagram
No caso das verdibrancas, aspiran no seu concurso na Ok Prata a acadar o ascenso á máxima categoría, a Ok Liga, na que milita o HC Borbolla. As tomatitas, aínda que están xogando pola permanencia, están en disposición de conseguir manter a categoría na elite española. Se non se conseguise, o papel o papel xogado polo filial nesta Ok Prata podería ser outro billete de cara a seguir no máis alto.
Nesta xornada inaugural o HC Borbolla viaxa a Euskadi a xogar con Gatikaku Lusturi, mentres que o HC Liceo visita ao conxunto de Las Rozas.
O conxunto verdibranco contará na Ok Prata coa dirección de Carlos Loureiro que terá baixo as súas ordes a patinadoras xa veteranás que teñen competido na Ok Liga, como Noemí Uzal, Katy Guscin, Andrea Ojeda, Lucía Paz, Alejandra Martín ou Naiara Vaamonde. As coruñesas reforzáronse con sabia nova e coa fichaxe da chilena Beatriz Gaete.
Ver esta publicación en Instagram
No caso das de negro e vermello, o conxunto está conformado tamén por xogadoras da canteira coruñesa que adestrará Santi Martínez, técnico tamén do primeiro equipo.
Entre os nomes tamén hai xogadoras do primeiro equipo que aínda teñen idade para poder compaxinar co filial. Así, estarán nesta categoría de prata collendo experiencia e minutos deportistas como: Edén Avecilla, Marta Vilas, Antía Rivadas, Valentina e Florencia de Girolamo, Alba Díaz, as irmás Yáñez (Lucía e Lara) ou Lucía Castro.
