As propostas para levar a cabo formación de xeito telemático agroman en diferentes plataformas e as federacións de diferentes modalidades deportivas están programando cursos para obter titulacións durante o confinamento. É tamén o caso da Federación Española de Rugby.
A FER ven de lanzar obradoiros de e-learning a través da Escuela Nacional de Formación da Federación Española de Rugby. Trátase de talleres para o alumnado desta escola que están vencellados á súas titulacións oficiais e prepáranse máis, tal e como informa a propia entidade na súa web.
Os talleres están xa disponibles e é a primeira vez que se imparte este tipo de formación desde o área de desenvolvemento da FER. As formacións son:
Obradoiro vencellado á preparación de adestradoras/es da Categoría Monitor que habilita para dirixir equipos de menores de 12 años nas competicións.
Obradoiro vencellado á preparación de adestradoras/es da Categoría Adestrador Base que habilita para dirixir equipos de menores de 18 años nas competicións.
Estas actividades son talleres certificados pola Federación Española de Rugby, aínda que non equivalen á titulación oficial. Son un complemento á aprendizaxe continua. Os dous obradoiros están destinados, unicamente, a alumnado que xa estea cursando estudos do itinerario de preparación para adestradoras/es.
A pretensión da FER é facilitar tamén o acceso online a dous cursos máis: Introdución á placaxe segura e Rugby escolar.
