Comeza mal marzo para as xogadoras do Autos Cancela Zalaeta. Despois dun mes de febreiro sen sumar, as galegas comezan o novo mes tamén de baleiro. No seu último partido, ante o Torrelavega 1895, rematou nun 3-0 a favor das cántabras.
Con esta nova derrota, as coruñesas suman unha xornada máis sen gañar, indo xa a máis de cinco semanas sen coñecer a vitoria. Desta maneira, e conxeladas nos 20 puntos, as herculinas aínda non teñen asegurada a permanencia na Superliga Femenina 2 (SF2).
O Zalaeta foi a menos
Ambos conxuntos chegaban dunha derrota a este encontro, que previsiblemente medirías as forzas de dous equipos moi igualados, non só nesta tempada, senón ao longo da súa historia.
Non era a primeria vez que Torrelavega e Zalaeta víanse as caras, pero desta vez a balanza quedou sempre inclinada para as cántabras. As xogadoras de Piquet puideron dar un espectáculo á súa afección presente na bancada e dar un paso adiante no camiño cara a permanencia.
A primeira manga comezou igualada, coa alternancia no marcador propia de dous equipos de igual nivel. E con esta tónica se mantivo ata o final, cando o Torrelavega 1895 aproveitou o seu certeiro saque grazas a Hermosa, levándose así a primeira vitoria.
Verse en inferioridade no marcador afectou ao Autos Cancela Zalaeta, que non puido frear a un inspirado conxunto local que comezaba o segundo set cun parcial 8-0. Cando xa pasara a metade deste tempo, as xogadoras de Jorge Barrero por fin reaccionaron, cun parcial 5-12 para contrarrestar o 16-2 no que estaba entón o marcador.
O cadro local solicitou entón dous tempos mortos que agotou para frear ás galegas, acadando así o 25-17 que lles daba o segundo punto.
Xa tocadas, pero aínda non afundidas, o Autos Cancela Zalaeta afrontaba o último set. Pero de novo un acertado Torrelavega 1895 marcaba as distancias, situándose por riba das glaegas e sumando desde o saque poñendo o 16-6. As xogadoras que adestra o técnico Jorge Barrero contestaron subindo o electrónico ao 21-14, pero a reacción chegou demasiado tarde e enseguida foi cortada polas locais.
Finalmente, Noelia para as cántabra asinou o punto final, cunha finta que superou o bloqueo galego e deixando o marcador no final 25-16.
FICHA TÉCNICA
3) TORRELAVEGA 1895: Segovia, Sánchez, Neila, Dacuíña, Cubero e Hermosa – sexteto inicial-. Tamén xogaron: Salazar (líbero).
0) AUTOS CANCELA ZALAETA: Patri Santos, Alba Quirós, Guzzi, Laura Vázquez, Carla Figueroa e María Forteza – Rey – sexteto inicial-. Tamén xogaron: Bermejo, Claudia Gómez, Andrea Rivas e Noemí Sánchez (líbero).
SETS: 25-22 / 25-17 / 25-16.
ÁRBITROS: Aroa García.
INCIDENCIAS: Partido da 19ª xornada na Superliga Feminina 2 Grupo A RFEVB celebrado no pavillón municipal La Habana Vieja ante un total de 60 persoas.
