O Autos Cancela Zalaeta chega á última xornada desta tempada coa tranquiildade de ter asinada a permanencia na Superliga Femenina 2 (SF2). Para o último encontro, no que xa non hai nada en xogo, as galegas desprázanse ao País Vasco para xogar contra o CV Sestao. O duelo será este sábado, 27 de marzo, ás 18:00 horas, no polideportivo La Benedicta.
Este último rival será un óso duro e roer para as coruñesas. O conxunto vasco está a facer unha tempada histórica, na que actualmente ocupan a cuarta posición. Pola súa banda, o Zalaeta suma dúas vitorias menos e está na sexta posición a táboa.
O Zalaeta xa está plenamente recuperado da mala racha
Despois dun febreiro negro, sen engadir ningún punto ao seu casilleiro, as galegas de Jorge Barrero reencontraronse coa vitoria. Nas dúas últimas xornadas, as herculinas sumaron dous trunfos, un deles de tres puntos, ante o RGC Covadonga e o Extremadura Arroyo.
Con este cambio nos resultados, os ánimo acompañan ao Zalaeta, que quere despedir o presente curso cunha vitoria. Para logralo, farán gala das súas características de xogo en equipo, cunha eficacia anotadora repartida entre as xogadoras e a boa arma desde a liña de saque.
No bando local, o Sestao contará co factor casa, a súa recoñecible defensa e os ataques potentes da man de dúas Ohianes, Gutiérrez e Paskual.
Os antecedentes do duelo
As coruñesas do Zalaeta coñecen xa a este rival, co que se enfrontaron en cinco ocasións nos últimos tres anos. Destes cinco partidos, tres vitorias foron para o Sestao e dúas para as galegas, aínda que non gañan ás cántabras desde a volta da tempada 2019/2020.
Atendendo aos seus últimos cinco partidos por separado, o conxunto local acumula tres vitorias, a Leganés, Sanse e Torrelavega e dúas derrotas, contra Covadonga e Arona Tenerife.
Por parte das da Coruña, só sumaron os dous trunfos antes mencionados, e tres derrotas contra Sanse, Arona e Torrelavega.
