O Autos Cancela Zalaeta volve a casa e o fai cun partido de alto nivel. As coruñesas xogarán no Barrio das Flores de A Coruña este sábado, 30 de xaneiro, ás 17:00 horas, contra o CV Torrejón.
Esta décimo cuarta xornada de Superliga Femenina 2 (SF2) de voleibol enfronta a dous conxuntos empatados na clasificación. Ambos suman 17 puntos, pero conseguidos con acertos distintos. Mentres que as madrileñas venceron en cinco ocasións con vitorias de tres puntos e nunha cun trunfo de dous punto, as galegas suman catro vitorias de tres puntos, unha de dous e tres derrotas nas que rascaron un punto.
Para esta volta ao fortín do Barrio das Flores, o Zalaeta chega en boa forma despois da vitoria lograda contra as tamén madrileñas do Futura Center Arena Rivas. As coruñesas lograron un pleno de sets, moi logrados sobre todo no segundo e terceiro tempo.
No caso das visitantes deste sábado, buscarán neste partido a súa terceira vitoria consecutiva. Despois de gañar ao Torrelavega por un 0-3, venceron ao RGC Covadonga cun 3-1.
Ambos conxuntos medirán as súas forzas en terras coruñesas, no que se prevé como un duelo moi igualado, malia que na ida a vitoria foi para o Zalaeta, cun contundente 0-3.
Cambios no banco das coruñesas
Para este partido, Jorge Barrero recupera a Carla, xa que a central estivo de baixa por lesión. Quen non poder volver polo de agora ás pistas é a oposta Claudia, que segue no proceso de recuperación.
O partido, que se celebrará a porta pechada debido ás actuais medidas sanitarias, poderá seguirse vía streaming no Youtube do Zalaeta.
Laura Vázquez destacou na última vitoria do Zalaeta
Os resultados do Zalaeta son grazas ao seu bo xogo en equipo, pero de cando en vez destacan nomes propios. Na última ocasión, foi o de Laura Vázquez, recoñecida pola Real Federación Española de Voleibol como unha das mellores xogadoras da décimo terceira xornada.
A receptora ocupa un dos postos do sete ideal da Federación, despois do gran encontro ante o Rivas, no que foi a autora de 22 puntos e logrou un 81/63 en recepción.
Compañeiras súas como Alba Quirós e Eleonora Guzzi tamén entraron nas estatísticas das mellores xogadoras. A primeira foi a cuarta mellor sacadora, con 4 puntos. Os mesmos que logrou a segunda, considerada a terceira mellor bloqueadora.
E a nosa Laura Vázquez no #7Ideal despois do seu gran partido do sábado pasado (22 puntos). Noraboa! 🥳🥳🥳 https://t.co/voBCNj7pxJ
— Club Voley Zalaeta (@CVZalaeta) January 26, 2021
