O equipo canario Arona Tenerife Sur deu a sorpresa na cita fronte ao galego Autos Cancela Zalaeta, levándose o encontro da sétima xornada da Superliga Femenina 2 no tempo de desempate.
Antes do partido, prevíase que o Arona sería un rival adsequible para o Zalaeta. Con só unha vitoria de dous puntos e unha derrota de un punto nos cinco encontros disputados, o conxunto canario non chegaba na mellor posición ao encontro.
O Zalaeta perde a enerxía no tempo engadido
Porén, as xogadoras de Oriana Díaz conseguiron ser un rival forte para as galegas. Cun primeiro set gañado polo equipo local, o partido comezaría interesante, converténdose nun man a man inesperado.
O equipo dirixido por Jorge Barrero espertou para o segundo set, que iniciou unha remontada superando ao rival en puntos de ataque e puntos directos. O Zalaeta mantívose por diante no terceiro tempo, impoñéndose pola mínima cun 23-25.
Con todo, as canarias volveron coller o mando do encontro para o tempo engadido. Os últimos dous sets caeron do lado local, cunha moi ampla diferenza no último, cun 15-6 no marcador. As xogadoras coruñesas non foron quen de reaccionar e finalmente a vitoria quedou nas islas.
O bo partido de Alba Quirós, que continúa a despuntar no seu equipo, sendo a máxima anotadora do encontro con 26 puntos non foi suficiente para que as galegas gañasen. De todas formas, o conxunto coruñés remata a xornada en cuarta posición con 11 puntos.
FICHA TÉCNICA
ARONA TENERIFE SUR: Ebi Obi Na, Lucy Infoma, Elisabeth Rodríguez, Cristiana Ikwuowma, Alexia Vejrup, Naike Obi, Nuria Mellán, Ayat Busrru e Marta Mateos.
AUTOS CANCELA ZALAETA: Patricia Santos, Claudia Gómez, Alba Quirós, Andrea Rivas, Eleonora Guzzi, Laura Vázquez, María Forteza-Rey, Susana Suárez e Noa Sánchez.
SETS: 25-19/ 21-25 / 23-25 / 26-24 /15-6 (3-2)
ÁRBITROS: Pablo Santiago Melián.
INCIDENCIAS: Partido correspondente á sétima xornada da Superliga 2 de voleibol no Pavillón Jesús Domínguez Grillo Arona.