O equipo cadete do CV Zalaeta certifica o seu ascenso á Primera División, a máxima categoría do volei feminino en Galicia. As ourensás do Aceites Abril tamén lograron a promoción quedando subcampioas na fase celebrada en San Sadurniño.
O conxunto coruñés chegou á final da fase de ascenso coa garantía de ter un posto na máxima división, pero as xogadoras de Iván quixeron rematar a cometición con vitoria. Así, sentenciaron o campionato cun 3-1 final ante o anfitrión, o San Sadurniño.
O adestrador do Zalaeta, destacou o xogo fluído das súas pupilas na final, cun equipo que competiu máis calmadamente e con seguridade. Desta forma, as xogadoras con menos minutos tamén puideron participar no partido.
Pola súa parte, o Aceites Abril veneu ao XAV Cambados conseguindo a súa praza para o ascenso, dominando o duelo cun triunfo contundente de 3 sets a 0.
Na final de exihibición, co primeiro e segundo posto en xogo, o adestrador ourensán tamén aproveitou para repartir minutos entre todo o seu plantel.
A clasificación final resultou da seguinte maneira: XAV Cambados (4º), San Sadurniño (3º), Aceites Abril Voleyourense (2º) e CIS Zalaeta (1º).
