O Volei Praia Milenio retoma a competición da Liga de Inverno da Real Federación Española de voleibol e o fai con vitoria grazas á dupla Nuria Bouza – Kadri Puri.
O pasado sábado, 6 de febreiro, celebrábase no marco do Circuíto Vichy Catalán a proba de Vilanova i La Gletrú. A parella Bouza – Puri lograba un pase á final na que tamén se impuxeron, facéndose coa vitoria para o Praia Milenio.
A xornada foi intensa para as compoñentes do equipo ourensán. En seis partidos, o resultado final decidiuse a un set, pero a sorte acompañou ao Praia Milenio e permitiu que volvesen de Cataluña co ouro colgado.
Bouza e Puri venceron á parella formada por Julia Bonet e Beki Fernández na final cun 2-1, con sets 20-22, 21-19 e 15-11.
Tamén competiron para o club galego Víctor San Martín e Héctor Gallardo, con menos acerto que as súas compañeiras. Os xogadores quedaron eliminados ao perder o segundo partido da competición.
