Segue a Liga de Inverno, e seguen os éxitos para o club ourensán Volei Praia Milenio. O tándem Bouza – Ándric ven de gañar unha terceira posición no torneo de Zaragoza e repite bronce en Madrid.
O Milenio chegaba a pasada fin de semana ás instalacións do Parque Deporitvo Puerta del Hierro de Madrid con aspiracións a medalla nas categorías masculina e feminina. Finalmente, só foi así para Nuria Bouza e Tea Ándric.
As mozas competiron o domingo, cando acadaron, como xa o fixeran en Zaragoza a semana anterior, unha terceira praza. Tamén participaron Patricia Calvo e Miriam Arina, quenes foron quen de conseguir o quinto posto do torneo.
Na categoría masculina, disputada o sábado, David Guiñazú e Fabián Castro competiron para o Milenio e quedaron preto do podio, pero sen lograr levarse unha medalla.
O equipo de Ourense non descansa e seguirá loitando por estar entre os mellores de España na Liga de Invierno. A seguinte cita para os conxuntos de volei praia será 28 e 29 de novembro en Zaragoza.
