O equipo de Santiago busca continuar na súa boa dinámica con catro vitorias seguidas e manter a estela do Monte (2º) e Viaxes Interrías (1º). As santiaguesas, que actualmente ocupan a terceira posición da Primeira Nacional Grupo I de Fútbol buscaran unha vitoria en casa ante o Sporting “B”. O conxunto astur sitúase na 8ª posición da Liga, e mantense na zona tranquila da táboa con 8 puntos por riba da zona de descenso.
As pupilas de Chivi levan unha gran dinámica e suman catro partidos seguidos gañando. Nesta ocasión, xogan no seu feudo e será unha boa proba de lume para manter as boas sensacións no inicio desta segunda volta. O campo de Municipal de Santa Isabel acollerá o domingo ás 12.00 este encontro entre galegas e asturianas.
Optimismo a pesar das baixas
Pese ás baixas de Chorén e Helena por motivos persoais e de Albita e Carlita, ambas por sendas lesións no pé, o técnico compostelán Chivi García afirma que ve as súas xogadoras “preparadas para o comenzo desta segunda volta tanto física coma mentalmente”. “Se lles nota enchufadas e con gañas de loitar por manterse nos postos altos da clasificación. Queremos dar un paso adiante neste 2020 e traballaremos para iso”, insiste o técnico do Victoria FC.
Chivi García, adestrador do Victoria FC: As xogadoras lles nota enchufadas e con gañas de loitar por manterse nos postos altos da clasificación. Queremos dar un paso adiante neste 2020 e traballaremos para iso
“Pechamos o ano da mellor maneira, despois de facernos coa terceira praza trala vitoria ante o Deportivo B en Santa Isabel e recortar, desta forma, puntos aos dous primeiros tralo empate entre ambos. Está claro que a nosa gran virtude sen balón está a ser a solidez defensiva e con balón a velocidade que se lle está a dar o noso xogo combinativo o que nos fai ter un gran número de ocasións de gol”, asume un Chivi que engade: “Neste segundo tramo da Liga buscaremos dar un paso máis en canto o grado de competitividade. Temos un equipo moi xoven e xogadoras talentosas pero debemos aprender a sufrir nalgúns partidos e ainda así poder gañalos”.
Chivi García, adestrador do Victoria FC: Temos un equipo moi xoven e xogadoras talentosas pero debemos aprender a sufrir nalgúns partidos e ainda así poder gañalos
O encontro de ida resolveuse cun claro 1-6 a favor do cadro de Santiago, un resultado do que nin Chivi García nin as súas xogadoras se fían de cara a cita do domingo. “Aquel partido foi o primeiro de Liga e o Real Sporting B era un recén ascendido á categoría e as xogadoras estaban un pouco nerviosas, algo normal pois ainda recordo tamén o noso primeiro partido en Nacional e o que lles supuso ás miñas. Agora, unha vez finalizada a primeira parte da competición, as cartas están sobre a mesa e vai a ser todo moi distinto”, considera o adestrador do cadro rojillo que insiste: “Nos agarda un partido complicado esta fin de semana porque as circunstancias xa non son as mesmas”.
Chivi García, adestrador do Victoria FC: Agora, unha vez finalizada a primeira parte da competición, as cartas están sobre a mesa e vai a ser todo moi distinto
