O Victoria FC competirá unha tempada máis en Primera Nacional e o plantel xa iniciou o traballo de pretempada previo ao curso 2021/2022.
As compostelás levan desde o 27 de xullo traballando no campo municipal de Santa Isabel, ás ordes de Chivi García, para chegar a punto ao 5 de setembro, data de inicio da tempada.
As xogadoras do Victoria iniciarán o curso ante o Sárdoma, cun partido no que actuarán como locais. O derbi local, co recentemente ascendido Villestro, será o 5 de decembro.
Novas caras no equipo
Durante este tempo de pretempada, o Victoria FC está a adestrar coa inclusión de dúas xogadoras. Laura Alonso chegou procedente do Viajes Interrías, mentres que Laura Portabales o fixo desde o Friol.
No club apostan pola canteira, con Noa, Alba e Laurita, que se incorporan desde categoría infantil, combinando o traballo con ambos equipos. Tamén chegaron dúas xogadoras de 12 anos, Noia e Liana, procedentes do Miudo, xunto a arousá Almudena, de 18 anos. Así mesmo, a entidade confirma que están a proba dúas futbolistas máis de 16 anos.
No apartado de baixas, xa non seguen en Santiago Noela, fichada polo Dépor ABANCA, nin Raquel e Albita, agora no Victoria das cebras, o coruñés. Tampouco segue Angy, que xogará coas Meigas de futsal.
Os amigables do Victoria FC
O equipo estrearase ante o Viajes Interrías, nun amigable programado para este domingo, desde as 19:00 horas en Santa Isabel.
A axenda de pretempada do equipo complétase co amigable co Bergantiños o sábado 21, co Sárdoma o 22 e co Friol o 29.
