O Viaxes Amarelle precisa seguir sumando para asegurar a permanencia e esta fin de semana conta cunha boa oportunidade. As coruñesas reciben ao colista, o Xaloc Alcant, un equipo que non foi quen de puntuar en ningunha vitoria nesta tempada. A cita será o sábado, 17 de abril, ás 18:00 horas no pavillón municipal da Sagrada Familia.
Nas bancadas haberá presenza de público cun aforo limitado, polo que é preciso reservar as entradas mediante un formulario na web do club herculino.
O cadro do Viaxes Amarelle retomou os adestramentos o martes, despois da súa viaxe a Alicante tras o partido disputado ante o Universidad de Alicante. O equipo herculino atópase nunha gran dinámica de xogo que da motivos para pensar na permanencia, pero nos vestiarios son conscientes de que non se pode perder a concentración para asegurar a salvación.
En peor posición chega o Xaloc Alacant. Este é o seu segundo curso na máxima categoría, pero todo semella indicar que para a próxima tempada estarán na de prata. Nestes meses, as alicantinas só sumaron un empate e actualmente ocupan a última posición do grupo polo descenso.
Con 20 goles a favor, pero 114 en contra e 18 derrotas, as visitantes das coruñesas non serán un rival duro, a priori. A necesidade de puntos neste conxunto é imperiosa e as futbolistas viaxan a Galicia sen nada que perder.
A convocatoria do Viaxes Amarelle
O equipo de Jorge Basanta quere evitar un play-off pola permanencia, polo que gañar en cada partido é de vital importancia. Para este encontro, o adestrador conta con todo o plantel á súa disposición, a excepción de Martita, que segue recuperándose da rotura do seu ligamento cruzado anterior (LCA).
A convocatoria queda configurada da seguinte forma:
- Leti Rojo
- Sandra Rodríguez
- Tami Gándara
- Candela Soria
- Patri Romaní
- Cris Lourés
- Sofíav
- Patri Corral
- Yaiza
- María Gómez
- Anna Escribano
- Lau Doce
- Tana
O encontro poderá verse vía streaming a través da canle de Youtube do Viaxes Amarelle.
🚨👨👩👧👧⚽️ RESERVA TU PLAZA DE PÚBLICO ‼️ ‼️
Debido a las limitaciones de aforo y restricciones, habilitamos un formulario en la web.
⚔️ @amarellefsf 🆚 @XalocAlacant
🗓 Sábado 17/04/2021
⏰ 18:00 horas#FutsalFemenino #vamosNaranjas🤞 Reserva plaza en https://t.co/tosLvzZAY0 pic.twitter.com/hr1ph3U4hd
— Viaxes Amarelle FSF (@amarellefsf) April 13, 2021
