O Viaxes Amarelle FSF e Cidade de As Burgas, xogaban un vibrante partido no Pavillón Municipal da Sagrada Familia de A Coruña. As herculinas adiantábanse pronto no marcador, pero o partido estivo moi igualado, e tras o tempo regulamentario acabou en táboas.
O Cidade de As Burgas FSF adiantábase por primeira vez no partido no comezo dunha tensa prórroga pero a segunda parte da prórroga tivo unha clara cor laranxa con tres goles, que terminaron por dar o pase de fase ao conxunto coruñes, ao impoñerse finalmente por un marcador de 5-3, tras os goles de María Gómez (2), Patri Corral e Patri Romaní (2).
O partido empezaba cun Viaxes Amarelle FSF exercendo unha presión moi alta de balón, que daba os seus froitos aos 30 segundos de partido, cun roubo de balón de María Gómez en primeira liña, e no un para un subía o 1-0 ao marcador. Aínda quedaba partido por diante, e o partido tiña fases onde dominaban locais e visitantes con ocasións, que non se transformaban en gol.
O cadro local estaba moi atento en defensa, pero un saque de esquina directo, executado por Lucía Nespereira, perdíase dentro da área e Mónica no afán de defender a súa portería, acababa tocando o xusto, para que as visitantes atopásense coas táboas no marcador. Este gol, levantou ao Cidade de As Burgas FSF no último minuto de xogo, pero as herculinas moi serias en defensa, conseguían irse ao tempo de asueto con táboas no marcador.
Logo do descanos, o Viaxes Amarelle FSF volvía con toda a carne no asador á cancha, e novamente ampliaba distancias, tras unha rápida contra que Martita finalizaba cun disparo exterior, que repelía a porteira visitante; pero no rexeite Patri Romaní non perdoaba e poñía o 2-1 no marcador.
As locais atopábanse cómodas coa vantaxe no marcador, e buscaban tentar aumentar a súa renda, con varias chegadas perigosas; pero novamente unha falta de entendemento na defensa laranxa, era aproveitada polo Cidade de As Burgas para igualar a contenda, cun gol finalizado por María Arias a doce minutos do final do tempo regulamentario. Quedaba moito partido por diante, e aínda que os equipos pelexaron por conseguir o gol que lles concedese o pase de rolda.
O partido terminou por chegar ao seu fin coa igualada, con 2-2 no marcador e obrigaba a disputarse a prórroga, e poder determinar o que conseguiría o pase a oitavos de final de Copa de S.M. da Raíña FS. Empezaba a prórroga e nunha contra do conxunto ourensán , María Arias adiantaba ao seu equipo, por primeira vez no partido, cun disparo exterior axustado ao pau contrario. As herculinas tentaban reaccionar, pero íanse ao descanso da prórroga co marcador en contra. Tocaba segunda parte da prórroga, e o conxunto da Coruña tiña preparado o xogo de cinco; pero nos primeiros segundos Patri Corral recuperaba en cancha propia e armaba unha gran xogada persoal que terminaba co 3-3 no marcador.
Quedaban dous minutos e medio por diante, e as herculinas optaron polo xogo de cinco, e puxeron toda a carne no asador; e na primeira oportunidade que tiveron María Gómez poñía o 4-3, tras un disparo exterior a falta de algo máis dun minuto e medio para o final do partido.
As visitantes optaban polo xogo de cinco para non deixar escapar a oportunidade de pasar a oitavos pero as herculinas mostrábanse moi serias en defensa e cando restaban algo menos de 30 segundos para o final, as visitantes exercían unha presión alta.
O Viaxes Amarelle FSF optaba por unha xogada de saída de presión, que recibía Irune en cancha contraria, e armaba unha xogada en tres para un, que finalizaba Patri Romaní, a falta de 18 segundos, subindo o 5-3 ao marcador. O Cidade de As Burgas FSF tentaría á desesperada a igualada, aínda que sen fortuna.
Despois deste gran resultado, contra un equipo que milita na Primeira División Nacional Feminina FS, as herculinas seguen sumando vitorias. Grazas a esta vitoria, o Viaxes Amarelle FSF consegue o pase aos Oitavos de Final de Copa de S.M. A Raíña FS, que disputarase o 4 de xaneiro de 2020 e contra un rival que se coñecerá no sorteo que se deberá de realizar nos próximos días, onde primará de novo a proximidade. Sexa cal sexa o resultado do sorteo, as herculinas disputarán o encontro como locais, ao ter que xogalo contra outro rival da Primeira División Nacional Feminina FS.
VIAXES AMARELLE FSF: Irene Floriani, Martita, Irune, María Gómez, Patri Corral (cinco inicial), Patri Romaní, Inés Suárez, Yaiza, Mónica, Zaida.
CIDADE DE AS BURGAS FSF: Ana, Clara, María Arias, María Amelia, Lucía Nespereira (cinco inicial), Sonia, Nahir.
GOLES: 1-0 María Gómez (min. 1); 1-1 Mónica (propia puerta) (min. 19); 2-1 Patri Romaní (min. 21); 2-2 María Arias (min. 28); 2-3 María Arias (min. 42); 3-3 Patri Corral (min. 44); 4-3 María Gómez (min. 45); 5-3 Patri Romaní (min. 46).
ÁRBITROS: José Manuel Carreira Romero e Manuel Dans Rey del Colegio de Árbitros de A Coruña. MESA: Laura Vila Rivera do Colexio de Árbitros da Coruña.
TARXETAS: Lucía Nespereira e Ana del Cidade de As Burgas FSF (Tarxeta Amarela).
INCIDENCIAS: Partido correspondente aos dieciseisavos de final de la Copa S.M. La Reina FS disputado o vernes 6 de decembro de 2019 no Pavillón Municipal de Sagrada Familia (A Coruña) entre o Viaxes Amarelle FSF e o Cidade de As Burgas FSF.
