O Viaxes Amarelle FSF volve xogar en casa, e esta fin de semana será o seu penúltimo partido como local da tempada. As herculinas pelexarán por conseguir sumar unha vitoria que lle poñería a permanencia un pouco máis preto. O conxunto que adestra Jorge Basanta mediranse na tarde de hoxe sábado 13 de maio de 2023, a partir das 18:00 horas, no Pavillón Municipal de Sagrada Familia (A Coruña) recibindo ao Joventut D’Elx Clínica Blasco Visitelche.
O conxunto herculino seguiu traballando durante a semana para preparar un partido que as herculinas consideran clave para conseguir avanzar na loita pola permanencia nestas últimas semanas de competición regular.
O técnico do club coruñés, Jorge Basanta, convocou para este novo duelo na competición da regularidade, ás porteiras Leti Rojo e Nerea Ramallo, así como ás xogadoras de pista, Cris Lourés, Carol Agulla, Clàudia Lobo, Èlia Gullí, María Gómez, Lau Doce, Tety, Khrystyna Stepanenko, Carlita, Marta Hermo, Laura Rivas e Estela Cantero.
Cris Lourés chega entre algodóns para esta convocatoria tras terminar o último partido fronte ao Pescados Rubén Burela FSF con molestias, aínda que os exames médicos descartaron calquera rotura; e doutra banda, Khrystyna Stepanenko regresa a unha convocatoria tras unha lesión que mantivo á ucraína apartada das pistas desde inicios de ano, e de feito a súa última participación nun partido foi o pasado mes de decembro fronte ao Joventut D’Elx.
O rival que estará enfronte para o conxunto herculino, é un Joventut D’Elx Clínica Blasco Visitelche que actualmente ocupa a última posición da xeral con 9 puntos, cultivados tras 2 vitorias, 3 empates e 22 derrotas, nos vinte e sete encontros que disputaron ata a data. Suman 41 goles a favor, e encaixaron 137 tantos en contra.
Estas cifras do conxunto levantino deixan ás ilicitanas como o equipo que menos goles anota e o que máis encaixa da competición nacional. O conxunto ilicitano certificou o seu descenso matemático fai dúas xornadas; pero a pesar diso non baixou os brazos e segue competindo con tesón, o que lle permitiu sumar un empate fronte ao FSF Móstoles a pasada fin de semana.
O duelo que enfrontaron a ambos os equipos nesta tempada, remóntase ao partido da primeira volta, onde as herculinas do Viaxes Amarelle FSF fixeron un partido moi serio e traballado para sumar os tres puntos ao impoñerse por un marcador de 0-6, sendo esta o resultado máis contundente das herculinas para conseguir puntuar.
A pesar do avultado da vitoria do Viaxes Amarelle FSF na primeira volta, as galegas non deben, nin moito menos, confiarse; e pensar que o conxunto ilicitano xa amargou hai dúas tempadas o soño de poder dar continuidade á súa andaina na elite do fútbol sala feminino, tras caer nunha prórroga agónica para as herculinas.
O conxunto herculino saltará á cancha coruñesa coa intención de conseguir unha vitoria, que podería supoñer un paso de xigante para que o Viaxes Amarelle FSF poida conseguir a permanencia na máxima competición nacional. Toca gozar sobre a cancha e pelexar polos puntos na tarde do sábado 13 de maio de 2023 no Pavillón Municipal de Sagrada Familia (A Coruña).
O Viaxes Amarelle FSF pon a entrada gratuíta para encher o pavillón
En consonancia coa importancia destes últimos partidos, e do mesmo xeito que xa se fixo no último partido como locais, o club coruñés decidiu deixar entrada gratuíta para este novo duelo das herculinas; e que o equipo laranxa poida recibir o merecido apoio da bancada herculina, para levantarlles a conseguir o reto da permanencia na categoría.
O encontro será emitido en streaming a través da plataforma da Real Federación Española de Fútbol, e xestionado por ao vivo vuvuzela; podendo, tamén, seguir en directo o encontro a través de Live Vuvuzela.
