O domingo 25 de abril o Novo San Pedro de Villalonga foi a localización onde se citaron os campións do grupo 1A e o 1B: o Viajes Interrías e o Oviedo Moderno B. Un partido entre dous dos equipos máis fortes do subgrupo 1C, no que a igualdade reinou sobre o campo e non deixou ningún gol para os conxuntos participantes (0-0).
Os puntos en xogo eran importantísimos, nunha fase onde só o líder e o mellor segundo pasarán ao play-off polo ascenso a Reto Iberdrola. Así o sabían os dous clubs, que o deixaron todo no verde nunha tarde de fútbol, emoción e tensión. Tal foi así, que as asturianas remataron o duelo con 10, tras a expulsión de Ana Gloria.
Man a man entre o Interrías e o Oviedo
Desde o minuto 1, quedou claro que este sería un encontro moi disputado. As primeiras ocasións inclinaban a balanza para as galegas do Viajes Interrías, con oportunidades como a de Connie a pase de Mery, que non tocou a rede. Tamén Lola tivo a súa ocasión, destacando desde a banda esquerda, pero ante un conxunto físico e férreo en defensa, as de Treviño non conseguiron romper o marcador. No equipo contrario, Rocío estivo moi intensa nas ofensivas, correndo a mesma sorte que o club local.
Na seguinda parte a narrativa do encontro non mudou, pero a intensidade aumentaba. O cadro visitante dominaba o xogo aéreo, mentres que o Interrías loitaba por materializar e rematar os seus ataques. Nin a inferioridade numérica das asturianas coa expulsión de Ana Gloria facilitou o traballo ás de Sanxenxo, que só puideron sumar o punto do empate á fin do partido.
A falta de outras tres xornadas, o equipo de Treviño é cuarto, cun coeficiente do 2,158, moi preto das líderes, o propio Oviedo, que suma un coeficiente do 2,235. Unha vitoria máis podería darlle ás galegas o pase ao play off de ascenso.
Revive aquí o partido ao completo:
FICHA TÉCNICA
VIAJES INTERRÍAS: Isa, Ainhora, Catarina Sofía, López, Dapena, Iglesias (min-59, Tania), Caliz, Okenve, Candelas (min.76, Domene), Antía, Gómez.
OVIEDO MODERNO CF B: Alejandra, Rocío, Rebeca, Alba, Martínez, Clara (min.86, Manuela), Daniela, Vera (min. 63, Alba), Campoamor, Tayre, Lucía.
GOLES: Sen goles.
CORPO ARBITRAL: Fariña Biasi, Otero Martínez e Millan Montero. No Viajes Interrías recibiron cartón amarelo Isabel, Ainhora e Meri e foi expulsado David Lázaro. No Oviedo Moderno B, Alba e Lucía viron tarxeta amarela e Ana Gloria foi expulsada por dúas amarelas.
INCIDENCIAS: Partido da terceira xornada do grupo 1C de ascenso a Reto Iberdrola disputada en Novo San Pedro de Villalonga.
