O Vega Lagunera Adereva Tenerife agarda mañá, domingo cedo (11:15 hora peninsular) no seu feudo isleño do Complejo Deportivo Islas Canarias na Laguna á AD Cortegada. O cruce corresponde á novena xornada da LF2.
As galegas viaxan a San Cristobal de La Laguna (Santa Cruz de Tenerife), sen ausencias por lesión e con todo o plantel disponible ao dar os test de COVID-19 negativos. Os colexiados designados para este encontro son Mikel Wiot Espinosa e Aldo Jesús Rodríguez Francisco .
A clasificación da Liga Feminina 2 separa en só dous puntos a galegas e laguneras. As canarias son oitavas co once puntos e las galegas ocupan a undécima posición con 11. Sepáraos un triunfo e é xusto a vitoria que poden acadar esta xornada as de Vilagarcía de Arousa e así escalar postos na táboa. Ademais, as galegas teñen disputado un partido menos disputado, xusto a vitoria que pode conseguir.
O Vega Lagunera Adereva Tenerife saltará á pista á procura da súa terceira vitoria consecutiva ademais tendo nos dous casos anteriores a clubs galegos: Ulla Oil Rosalía ao que vencía na Laguna por 82-72 e CB Arxil ao que gañaba en Pontevedra por 57-67 a xornada anterior.
O terceiro partido no que se impuxeron as xogadoras do Vega Lagunera Adereva Tenerife foi o que disputaron contra o Magec Tías. Perderon cinco encontros, igual que as galegas. No caso das tinerfeñas caeron diante de: ADBA, Ardoi, BAXI Ferrol, Maristas Coruña e Celta Baloncesto Zorka Recalvi.
Trátase polo tanto dun encontro significativo para dous equipos que queren fuxir da zona baixa da tábao clasificatoria e que terán frente a si un rival directo nesa pugna.
Ollo á Alba Peña e Gnere Dembele do Vega Lagunera
Pese á súa situación clasificatoria, as tinerfeñas contan nas súas filas con dúas xogadoras a ter moi en conta xa que son as máximas anotadoras por partido do grupo según o ranking da categoría. Por unha banda Alba Peña Pascual, e pola outra Gnere Dembele. A primeira ten unha media anotadora de 18,8 e a segunda de 17,13. No caso de Alba Peña cabe significar que a xogadora lagunera ven de endosarlle 32 puntos ao CB Arxil e ser así a MVP da xornada 8ª.
HORARIOS DA 9ª XORNADA DA LF2
SÁBADO
- 19:00 GDKO Ibaizabal – Extremadura Miralvalle 47-57
- 20:00 ADB Avilés – Maristas Coruña 60-49
DOMINGO
- 10:15 (hora insular) Vega Lagunera Adareva – AD Cortegada
- 11:00 Azkoitia Azpeitia ISB – CB Arxil
- 11:30 (hora insular) Magectías CVG – Celta Zorka Recalvi
- 12:00 Osés C. Ardoi – Baxi Ferrol
- 12:30 HGB Ausarta Barakaldo – Ulla Oil Rosalía
