As xogadoras do Durán Maquinaria Ensino de Lugo xa coñecen a data para recuperar a volta de cuartos de final co Valencia Basket. O partido entre lucenses e taronjas será finalmente o venres, 16 de abril, ás 17:00 horas. Un positivo en COVID-19 no equipo de Lugo obrigou a adiar o encontro desta segunda fase da Liga Feminina Endesa na data orixinal, seguindo os protocolos correspondentes.
O pasado día 4 de abril, o conxunto galego xa informaba en redes sociais dun pleno de negativos no plantel, e organizaba a volta ás sesións de traballo á espera dunha nova data para enfrontarse ao Valencia. Agora, as xogadoras de Carlos Cantero adestrarán para estar a pleno rendemento e pasar á seguinte fase nesta loita final.
Coa mente xa posta na cita deste venres ás 17:00 horas, o cadro galego deberá remontar unha derrota de 11 puntos xogando como visitante no Font de Sant Lluís. No encontro de ida, as galegas perderon por un 58-69 ante as valenciás, nun partido moi disputado, no que as de Cantero mostraron unha boa cara. Ao longo dos cuatro cuartos, as locais foron quen de vencer no primeiro tempo e empatar o terceiro, pero as taronjas foron superiores no resto do duelo.
Viernes a las 17:00
SEGUNDO INTENTO 🍊🔥 https://t.co/dGCYOxnzOs— Ensino Lugo (@EnsinoLugoCB) April 12, 2021
