Gañar para seguir con opcións de terminar na zona alta da táboa. Esa é a premisa coa que viaxa o Valdetires Ferrol cara Valladolid para disputar a 12ª xornada da Segunda División.
As pupilas de Diego Pardo afrontan un partido ante un equipo vallisoletán, moi necesitado de puntos para saír da zona perigosa da clasificación. “Estou contento porque os adestramentos durante a semana foron con normalidade. Aínda nos falta algunha xogadora que se ten que incorporar das vacacións pero as mozas están motivadas e queren gañar para engancharse aos postos de arriba”, comentou Pardo durante a previa.
Pardo confía na calidade do seu plante e espera que o parón e a posible falta de ritmo non afecte as súas xogaras e consigan sacar un bo resultado de terras vallisoletás: “Espero que non nos afecte o parón, xa que só levamos os tres adestramentos desta semana. Confío nas xogadoras e en que sexa un partido disputado e que nos levemos os tres puntos para casa”.
Diego Pardo, adestrador do Valdetires: Espero que non nos afecte o parón, xa que só levamos os tres adestramentos desta semana.
As ferrolás viaxan coa única dúbida de Lia Mesía de cara o encontro do sábado: “Non puido participar Diana nos entrenos pero sí estará na disputa do partido contra o Valladolid. Temos dúbidas con Lia Mesía, que non sabemos se chegará para o partido”.
