O Concello da Coruña impulsa unha versión en liña do clásico torneo deportivo Trofeo Teresa Herrera. A iniciativa, baixo o nome de “Trofeo eTeresa Herrera”, busca adaptar a competición á actualidade para poder chegar a un público máis novo e afeito ás novas tecnoloxías, o que impedirá que quede obsoleto e careza de interese para as novas xeracións de coruñesas e coruñeses
O Concello da Coruña quere achegar á rapazada o tradicional Trofeo Teresa Herrera, adaptado a un sector en auxe como é o dos videoxogos. O “Trofeo eTeresa Herrera”, que así se chama, é un novo formato que consiste na realización dun torneo de videoxogos. Nesta primeira edición será o FIFA21, co fin de manter a súa orixe futbolística, do 16 até o 22 de novembro.
A iniciativa busca adaptar un trofeo histórico, como é o Trofeo Teresa Herrera, á actualidade, para poder chegar a un público máis novo e afeito ás novas tecnoloxías, o que impedirá que quede obsoleto e careza de interese para as novas xeracións de coruñesas e coruñeses.
Poderán competir persoas non so da Coruña, tamén da súa área urbana
O torneo permite que se inscriban, a través da plataforma Ween, un máximo de 512 participantes, todas/os elas/es maiores de 16 anos. Deberán demostrar, enviando unha fotocopia ou fotografía do seu DNI por ambas as caras, que residen na Coruña ou nos dez concellos da área urbana que se detallan:
- Abegondo
- Arteixo
- Bergondo
- Betanzos
- Cambre
- Carral
- Culleredo
- Laracha
- Oleiros
- Sada
Unha vez fosen confirmadas os 512 xogadoras e xogadores que competirán por se alzaren co título de campioa ou campión do I Trofeo eTeresa Herrera, o torneo contará con dúas fases: a primeira delas é unha fase clasificatoria en liña, a cal terá lugar desde o 16 até o 20 e, nela, os participantes competirán por estaren entre as/os 16 melloras/es xogadoras/es, que se clasificarán para a segunda fase ou fase final, a cal terá lugar o 22 de novembro no Estadio Riazor – ABANCA.
Pódese obter máis información sobre este evento a través da web www.trofeoeteresaherrera.com e seguir a actividade do torneo no Facebook e en Twitter.
