A Liga Iberdrola de Primeira División estrouse en Gijón para a Sociedad Gimnástica de Pontevedra, que finalmente subiu ao podio na segunda posición, cun total de 182,5 puntos. As probas de remudas darían a prata ás galegas, que rozaron en puntos ás gañadoras do Piélagos (185 puntos).
Esta foi a primeira xornada da nova tempada, cunha competición moi disputada, na que as pontevedresas tiveron que dalo todo ata o final. En liñas xerais, a Sociedad Gimnástica obtivo seis primeiros postos. Eugenia Gil foi ouro claro en 400ml. Paula de la Torre fíxose coa vitoria nos 800ml nos últimos metros. Antía Chamosa desmarcouse en marcha desde a saída. Lucía Ferrer, encabezou a proba de 100 metros valos e a súa compañeira Marta Barragáns secundouna. Por último, as dúas remudas foron tamén para as pontevedresas.
As pratas e os bronces da Sociedad Gimnástica
Tamén houbo tempo para as pratas. Barragáns en valos curtos, Cristina Garrido nos 100ml, Iria Rodríguez nos 3000ml, Iria Filgueira en martelo e Andrea González en xavelina sumarían sete puntos para a Sociedad Gimnástica cos seus segundos postos.
Na proba de xavelina, a galega Claudia Puig obtería a medalla de bronce. Así mesmo, foron terceiras Xiana González en 200ml, Marta Barragáns en salto de lonxitude, María Ezquerro en lanzamento de disco, Eva Santos en martelo e Alba Pérez nos 5000m marcha.
O resto de puntos obtivéronse coas actuacións de Lucía Ferrer nos 100ml, Natalia Meaños nos 200ml, Irene Barbé nos 400ml. No mediofondo correron Inés Vázquez en 800ml e Iria Rodríguez e Marina Porteiro farían o propio en 1500ml.
Lorena Patiño fíxoo en 3000ml. Iria Vilches e na Isabel Fiestras competiron en valos longos, mentres que Eva Arias e Candela García participaron en 3000m obstáculos.
En saltos, Aloia Vilas e Andrea Villaverde competiron en salto de altura; e Villaverde participou en salto de lonxitude. Eva Salvado e Marina Pérez competirían en triplo salto. Lucía Ferreiro e Helena Suárez volarían en salto con pértiga; sendo especialmente importante esta última, xa que destrozou a súa mellor marca persoal ao superar o listón en 2,90m.
Por último, nos lanzamientos, en peso estarían Andrea González e Sandra Carballo; e en disco, Claudia Puig.
A clave estivo nas remudas
Con todas as puntuacións, o equipo feminino estaba xa en segundo lugar, cunha lixeira vantaxe sobre as terceiras, o Oviedo Atletismo. Para poder afianzar a prata as probas de remudas volvéronse fundamentais.
Raquel de la Torre, Cristina Garrido, Eva Salvado e Xiana González no relevo curto; e Natalia Meaños, Irene Barbé, Paula de la Torre e Eugenia Gil no 4×400 non fallaron. Nestas probas, o Sociedad Gimnástica fíxose cos ouros necesarios para asegurarse o segundo posto.
As grandes actuacións das súas atletas permitíronlle rozar ás campioas, quedando só a dous puntos e medio de vencer no encontro.
Finalmente, o Sociedad Gimnástica de Pontevedra sitúase como quinto no cómputo xeral. A siguiente jornada será o 15 de maio, pero os enfrontamientos e a sede están por determinar.
