A SG Pontevedra, conxuntamente co Club de Atletismo Sada, organizaron a primeira proba do atletismo galego do 2021 na Fundación Expourense.
Precisamente as atletas da SG Pontevedra foron das destacadas nesta cita, II Control de Pista Cuberta celebrouse o 3 de xaneiro. As atletas locais subiu ao podio en 9 ocasións. Tres delas foron medallas de ouro que acadaron, Lucía Ferrer nos 60m valados, Andrea Villaverde en Lonxitude, e Sandra Carballo en lanzamento de peso (4kg).
A Atlética Val Miñor acadou 2 ouros coa participación de Ainhoa Reparaz nos 60m e nos 200m. Outros clubs que acadaron triunfos foron o Atlética Lucense nos 60 m valados con Lucía Sánchez, o Scorpoio 71 na pértega co concurso de Beatriz Viteri Bouso, e o C Arenal con Xiana Lago impoñéndose no lanzamento de peso 3kg.
Outro conxunto que repetiu no podio, aínda que non acadou ningún primeiro lugar nas categorías femininas, foi o At. Celta que colocou a Alicia Merino no segundo posto nos 60m valados, e no lanzamento de peso 4 kg na prata a Alicia González e no bronce a Alicia Merino.
Lucía Ferreiro, da SG Pontevedra, batiu unha marca galega en pértega
Este II Control de Pista Cuberta deixou con moi boas sensacións aos atletas da Sociedad Gimnástica de Pontevedra, cun balance dunha marca galega e marcas persoais. A saltadora de pértega Lucía Ferreiro conseguiu a marca galega de salto con pértega en categoría máster W-40 (que xa estaba na súa posesión), cun rexistro de 2,95m. Supérase a si mesma en tres centímetros.
Ademais de Ferreiro, unha chea de atletas brillaron con luz propia ao bater as súas propias mellores marcas. En velocidade Cristina Garrido foi a destacada. Raquel mellorou a súa marca persoal nos 60ml en case medio segundo. O seu anterior rexistro era 8.41 e fixo 8.18 na semifinal, o que lle permitiu entrar na final máis rápida. Con todo, na final quedou con 8.22. Nesa final tamén estaba a súa compañeira de club Cristina Garrido, quen cun rexistro de 7.87 igualaría a súa mellor marca persoal.
Na mesma distancia, pero con valos, Mariña Pérez, cun tempo de 10.42 baixaría o seu rexistro persoal cuns obstáculos superiores que os que lle corresponderían na súa categoría, polo que o mérito é dobre. Demostrando os seus bos estados de forma, Mariña Pérez e Raquel da Torre volverían superar os seus propios rexistros en salto con pértega. A primeira faría 2,45m a segunda 2,60m, altura que compartiría coa súa compañeira Helena Suárez, o seu mellor marca baixo teito até o momento.
En lanzamento de peso Elena Garnelo superaría por primeira vez a barreira dos dez metros cun mellor intento de 10,37m. e Pomba Puig con lanzaría a bóla até os 8m, mellorando por dous metros a súa conta persoal. Ambas usarían o artefacto de 3kg.
CONSULTA OS RESULTADOS DO II CONTROL DE PISTA CUBERTA
LISTA DE MEDALLISTAS FEMININAS POR PROBA NO II CONTROL DE PISTA CUBERTA
60m FEM.
- Oro Ainhoa Reparaz Sanchez – Atlética Val Minor
- Plata Nerea Iglesias Barbazan – Ria Ferrol-C. Arenal
- Bronce Cristina Garrido Cabello – S.G. Pontevedra
200m FEM.
- Oro Ainhoa Reparaz Sanchez – Atlética Val Minor
- Plata Maria Fernandez Bouza – Riazor Coruña
- Bronce Belen Garcia Arias ADAS Proinor
60m valados (0,762) FEM
- Oro Lucía Sánchez Del Valle Verge – Atlética Lucense
- Plata (t) Marina Pérez López – S.G. Pontevedra
- Bronce (t) Gadea Bravo Barrio – S.G. Pontevedra
60m valados (0,84) FEM
- Oro Lucia Ferrer Doporto – SG Pontevedra
- Plata Alicia Merino Perez – At. Femenino Celta
- Bronce (t) Ariadna Gil Fernandez – At Vila de Cangas
Pértega FEM.
- Oro Beatriz Viteri Bouso Alcampo – Scorpio 71
- Plata Lola Bouza Villar – ADAS Proinor
- Bronce Lucia Ferreiro Liñares – SG Pontevedra
Lonxitude FEM.
- Oro Andrea Villaverde Puente – SG Pontevedra
- Plata Marta Barragans Sanchez – SG Pontevedra
- Bronce Olaia Gisela Becerril Alvarez – Playas de Castellon
Peso (3kg) FEM.
- Oro Xiana Lago Andrade Ria Ferrol- C. Arenal
- Plata (t) Elena Garnelo Gonzalez – SG Pontevedra
- Bronce (t) Paloma Puig Malvar – S.G. Pontevedra
Peso (4kg) FEM.
- Oro Sandra Carballo Rey – S.G. Pontevedra
- Plata Alicia Gonzalez Pose – At. Femenino Celta
- Bronce Alicia Merino Perez – At. Femenino Celta
