A vitoria escápaselle ao Autos Cancela Zalaeta, que tras esta derrota 3-0 contra o Voley Sanse Live Vuvuzela acumulan tres xornadas sen vencer.
Despois de perder ante este rival directo, o Zalaeta mantense na sétima posición da Superliga Femenina 2 (SF2), con 20 puntos. Dous menos teñen as súas rivais desta 17ª xornada, o Sanse, que ocupa a oitava posición.
O Zalaeta foi de máis a menos
Empezaron fortes as coruñesas, pelexando cada balón no primeiro set do partido. Os primeiros minutos deron mostra do competido e igualado do nivel de ambos equipos, sen deixar moi claro cal sería superior.
Os ataques galegos tiñan resposta nos madrileños, levando a primeira manga ata un 30-28 a favor das locais, que sufriron para poder asinarse o primeiro punto.
Para o segundo set a enerxía e acerto do Autos Cancela Zalaeta comezaba a fraquear, e malia seguir loitando, o Sanse era superior en casa e facíase co dominio do partido. Porén, as herculinas non baixaron os brazos e as locais tiveron que levarse o segundo punto tamén pola mínima.
Pero un 2-0 en contra xa foi moito para as galegas. A garra que demostraron ata o terceiro set desapareceu no tempo final. Un cansado Zalaeta xa sen ideas para remontar o partido cometía máis erros, que lle brindaron a última manga sen dificultades a un Sanse gañador e superior en todos os aspectos.
FICHA TÉCNICA
3) VOLEY SANSE LIVE VUVUZELA: González, Campillo, Hopf, Garcinuño, Manzanares e Díaz– sexteto inicial-. Tamén xogaron: Pérez (líbero), de Andrés e Fernández.
0) AUTOS CANCELA ZALAETA: Bermejo, Alba Quirós, Guzzi, Laura Vázquez, Carla Figueroa e María Forteza – Rey – sexteto inicial-. Tamén xogaron: Patri Santos, Claudia Gómez, Noemí Sánchez, Noemí Sánchez (líbero) e Carmen Carvajal.
SETS: 30-28 / 25-22 e 25-15.
ÁRBITROS: Tirado Postigo.
INCIDENCIAS: Partido da 17ª xornada na Superliga Feminina 2 Grupo A RFEVB celebrado en San Sebastián de los Reyes.
