A cidade de Vigo acolleu no pavillón do Berbés por primeira vez uin torneo de velocidade indoor. Foi o Campionato Galego, organizado pola Federación Galega de Patinaxe e o club Freestyle Vigo. Alí, o Sada Patín foi un dos clubs máis laureados, vencendo nas categorías júnior e sénior de 300 e 1000 metros e no intermedias de 2000 relevos.
Na proba dos 300m júnior, a campioa foi Andrea Pardo, seguida da súa compañeira do Sada Patín Laura Palmieiro. Esta patinadora colgaríase o ouro na proba dos 1000m. Xa en sénior, Ainhoa Owona venceu nos 300 e 1000 metros.
Dentro do grupo das intermedias 2000 relevos o club venceu co grupo formado por Silvia García, Uxía Sambad e Victoria Pardo e acadou a prata con Ana Canosa, Vera Gende e Julia Martínez. O bronce foi para o Freestyle Vigo con Lucía Sánchez e Atenea Ferreira.
Na competición xuvenil de 300 e 1000m, a campioa foi Andrea Boedo, do SCD Rabadeira En infantil as vitorias volveron ao Sada Patín, con Victoria Pardo vencendo nos 1000m e Silvia García nos 300m. En alevín o ouro foi para o Rabadeira, coa gran actuación de Amaya Santos en ambas probas. O club logrou outro metal máis coa primeira posición de Lucía García en benxamín e Paula Conde en prebenxamín 300m.
A primeira posición do prebenxamín 800m foi para Mara Iannelli do Freestyle Vigo. En máster 800 liña e inferiores 1200 relevos, a vitoria foi para o Rabadeira. María Zamorano, do Freestyle Vigo, foi a campioa no máster 300 sprint.
