O rugby aínda non para e pechará a tempada co Campionato de España de Seleccións Autonómicas 7s senior, no que o equipo galego compite por defender o título, e chega como primeiro clasificado á final. O torneo está a desenvovlerse no complexo deportivo Las Mestas, en Gijón.
As galegas xogan este torneo estatal contra Andalucía, Asturias e País Vasco e foron xa capaces de vencer a todas as contricantes nos primeiros tres partidos.
O sistema de competición consiste nunha liga de todos contra todos a unha volta, con dúas finais, unha delas polo título de campión e subcampión, e outro polo terceiro e cuarto posto, segundo os resultados obtidos.
Triplo triunfo do rugby galego
No partido ante Asturias, as xogadoras do equipo galego venceron por un 24-5, dominando por completo o encontro. O primeiro ensaio foi obra de Ana Iglesias, e, tras un ensaio de Ana Fonollá para as asturianas, o descanso chegou cun 5-5. Na segunda metade, Judith Hernández, Claudia Barrio e Alevín encargáronse de sentenciar o encontro, con vitoria irmandiña.
No segundo encontro da xornada para a Selección Galega, o rival do conxunto de rugby galego foi a Federación Andaluza, que tamén caeu ante as irmandiñas. Desta vez, o duelo estivo máis axustado, rematando nun 10-15 final.
Finalmente, o último contricante foi o conxunto vasco, nun partido rifado, con moita calidade, pero que caeu do lado galego, cun triunfo irmandiño por un 17-12.
Podes revivir os partidos aquí.
Como campión de todos os partidos, a Selección Galega pasará á final como primeiro clasificado, onde deberá enfrontarse de novo ao combinado vasco. O derradeiro encontro, polo título de campión, terá lugar ás 19:34 horas deste mesmo sábado.
A final retransmitirase vía streaming aquí:
