Os puntos seguen sen chegar pero a vitoria estivo cerca. As novatas xogadoras do Ulla Oil Rosalía están a mellorar o seu xogo e plantáronlle cara ao Vega Lagunera Adareva Tenerife.
Ambos conxuntos chegaban ao encontro relativamente igualados. O Lagunera soamente conseguu a vitoria nun partido e as derrotas acumulábanse para o equipo canario, que estaba tres puntos por riba das galegas. As compostelás non coñecen a vitoria, nunha tempada debut en Liga Feminina 2 marcada polos adiamentos e as derrotas.
Pero as compostelás case dan a sorpresa da xornada. O primeiro parcial foi pola mínima para as locais, cun 20-17 no marcador. No segundo cuarto, as galegas recortaban distancias, conseguindo chegar a un 40-36 no tempo de descanso.
Tal foi a motivación do Rosalía, que saiu completamente enchufado na segunda metade, conseguindo impoñerse no terceiro cuarto cun 14-24 que facía crer que a remontada era posible. Finalmente, o conxunto de Chiqui Barros non aguantou o ritmo, e tras un fatal último tempo, cun 28-12 no electrónico, os dous puntos quedaron en Canarias.
FICHA TÉCNICA
41) VEGA LAGUNERA ADAREVA TENERIFE : Gnere Dembele (24), Sendy Basaez (16), Alba Peña (12), Yamile Mireya (8) y Laura Kabongo (3) -cinco inicial- Soledad Rodríguez, Noelia Ibañez (6), María Luque (8), Miriam Marina, Claudia Reynes e Ainhoa Negrín (5).
59) ULLA OIL ROSALÍA: Carla García, Blanca Manivesa (3), Sara Corredoira (20), Ángela González (10) y Leticia Soares (13) -cinco inicial- Ana de Matías, Nuria Choren (7), Ángela González (10), Sarai Castro (5), Clara Riera (3) e Nerea Liste (11).
PARCIAIS: 20-17, 20-19, 14-24 e 28-12
ÁRBITROS: Alberto Gamero y Javier Beneitez. Foron eliminadas Noelia Ibáñez, do Lagunera, e Leticia Soares, do Rosalía.
INCIDENCIAS: Partido correspondente á sétima xornada da Liga Feminina 2 disputado no complexo Deportivo Islas Canarias – San Cristóbal de La Laguna (Santa Cruz de Tenerife).
