Está a ser unha tempada difícil no equipo do Ulla Oil Rosalía. As xogadoras compostelás levaban sen xogar dúas xornadas; a primeira contra o CB Arxil por un caso positivo detectado no Rosalía e a seguinte, contra a AD Cortegada, polas humidades na pista das de Vilagarcía. Por fin, na sexta xornada, o Rosalía xogaba en casa, pero non ante o seu público, por mor das restricións sanitarias.
En fronte tiñan ao colista. Trátase dun recén ascendido, o Extremadura Miralvalle Plasenc, que está realizando unha boa tempada que lle sitúa no terceiro posto da clasificación. O conxunto, reforzado este ano con xogadoras con mellor físico e maior experiencia que as locais, logrou impoñerse malia os intentos do Rosalía por remontar o partido.
No primeiro cuarto as visitantes marcaron o ritmo do xogo, cun 12-21 que as compostelás tentarían recuperar no segundo cuarto, conseguindo ir gañando pola mínima (21-20).
Os esforzos do Rosalía non foron abondo para conter as penetracións do Miralvalle, ao ser quen de conter os rebotes e precipitarse nas ocasións de ataque.
A segunda metade comezou moi igualada, cun 12-12 no terceiro cuarto, pero finalmente o partido decantouse do lado visitante, rematando un cuarto parcial 13-15.
A xogadora mellor valorada foi do equipo vencedor, concretamente Cendra Weledji, con 20 puntos anotados e cinco rebotes, acadando os 22 puntos de valoración.
O Ulla Oil Rosalía enfróntase ao CB Arxil este mércores
A pesar de que non acompañen os resultados, e da mala sorte que están a sufrir as de Chiqui Barros, o equipo móstrase optimista e está convencido de que con traballo e esforzo lograrán saír dos postos finais da clasificación. Haberá que comprobalo o próximo mércores, cando o Ulla Oil Rosalía ten previsto enfrontarse ao CB Arxil, para disputar o partido adiado da xornada catro.
FICHA TÉCNICA
58) ULLA OIL ROSALÍA: Nuria Choren (8), Blanca Manivesa (10), Leticia Soares (6), Clara Riera (2), Nerea Liste (9) – quinteto inicial -. Tamén xogaron: Ana de Matías (-), Carla García (5), Sara Corredoira (16), Ángela González (2), Alba Rama (-) e Sarai Carro (-).
68) EXTREMADURA MIRALVALLE PLASENC: Alicia Morales (16), Stacia Anne Robertson (7), Tiwane Weledji (20) y Princess Aghayere (13) -cinco inicial- Andrea Cueva del Río (6), Sofía Lluch (6), Rosa Garrido (-), Celia Rodríguez (-) e Nora Pérez (-).
PARCIAIS: 12-21, 21-20, 12-12 e 13-15
ÁRBITROS: Julio César Alonso e Daniel López.
INCIDENCIAS: Partido correspondente á sexta xornada da Liga Feminina 2 disputado no Multiusos Fontes do Sar a porta pechada.