Ao Viaxes Amarelle FSF tócalle esta fin de semana unha saída complicada a Roldán por diferentes aspectos. Por unha banda, as herculinas viaxan até Murcia, un dos desprazamentos máis longos do curso, e por outro o fan para se medir a todo un aspirante ao título: o STV Roldán FSF. A cita está fixada para hoxe, sábado 20 de febreiro de 2021, a partir das 16:00 horas. Neste novo encontro oficial da tempada na Primeira División da RFEF, as coruñeas visitarán no Pavillón Municipal Gabriel Pérez Sánchez.
Cando contra ao final da competición loitas por manter a categoría, ter que medir forzas cun dos equipos que aspira a levar o entorchado ás súas vitrinas é do que menos apetece. Pero é xusto o que lle toca as coruñesas.
Para colmo de males, este desprazamento será tamén cansado para as futbolistas xa que o conxunto galego do Viaxes Amarelle FSF, que adestra o técnico Jorge Basanta, afronta esta fin de semana a primeira viaxe longa para este ano 2021. Tanto é así que a expedición herculina tivo que saír onte, venres 19 de febreiro, pola tarde da Coruña para pór rumbo a terras murcianas.
O Viaxes Amarelle FSF, encadrado no Subgrupo A da competición, afrontará o seu concurso na décimo quinta xornada a Primeira División hoxe, sábado 20 de febreiro de 2021, no Pavillón Municipal Gabriel Pérez Sánchez do municipio murciano de Roldán. Alí visitará ao STV Roldán FSF en horario vespertino.
Como deciamos, o rival das herculinas para este sábado será o STV Roldán FSF, un dos aspirantes á loita polo título da competición ligueira, e que actualmente ocupa a terceira posición do subgrupo A de a Primeira División Nacional Feminina de Fútbol sala.
O conxunto murciano suma 30 goles a favor, e 12 tantos en contra; tras os 10 encontros disputados nesta tempada; e onde suma sete vitorias, dous empates e un derrota. Actualmente acumula unha serie positiva de dúas vitorias consecutivas, e ademais con resultados contundentes, por 6-0 fronte ao Cidade de As Burgas FSF e por 2-5 fronte ao Ourense Envialia FSF.
O equipo herculino, dirixido polo técnico Jorge Basanta, afronta este encontro con ganas de tentar sorprender a un rival complicado. Xa na primeira volta soubo aguantar o seu potencial durante máis de 35 minutos e rematara por ceder os puntos cunha axustada derrota por 1-2.
As cifras das galegas distan moito das do seu rival que loita con Futsi Atlético Navalcarnero, Poio Pescamar e Ourense Envialia na parte alta da taboa. No caso das herculinas está sétimas, antepenúltimas, suman dous trunfos, un empate e oito derrotas tras once partidos xogados neste curso 2020 – 2021. No seu casilleiro de puntos, hai sete polos 23 das súas contrincantes.
Na última xornada, as de Jorge Basanta protagonizaban un duelo entre galegas no pavillón da Sagrada Familia que rematou en empate (2-2). Puideron sumar un único punto e foi fronte a un equipo, o Cidade de As Burgas, que é rival directo na pugna por manter a categoría o vindeiro curso.
A convocatoria do Amarelle para xogar co Roldán é de 10 futbolistas
Para este encontro de volta, o equipo herculino afrontará unha longa viaxe, polo que as horas de traxecto poderán repercutir no rendemento das galegas, que acudirán ao encontro con oito xogadoras de pista e dúas porteiras.
A convocatoria para este desprazamento a Roldán está conformada por:
- Sandra Rodríguez (P)
- Leti Rojo (P)
- Anna Escribano
- Laura Doce
- Candela Soria
- Cris Lourés
- Patri Corral
- María Gómez
- Yaiza Otero
- Sofía Rodríguez
