A Regata da Muller segue avanzando, coas deportistas do RCN Vigo como líderes da táboa clasificatoria. O campionato, organizado pola Real Federación Galega de Vela, completa o seu podio co RCN Sanxenxo en segunda posición e o RCN Coruña co bronce.
O torneo atópase xa na segunda fase da liga, composta por catro mangas nas que as viguesas se impuxeron cun pleno de triunfos, sumando desta forma seis puntos. Algo máis lonxe delas está o equipo de Sanxenxo, con 14 puntos, e xa na terceira posición marchan as herculinas, con 18.
Tamén participan na Regata da Muller o RCN Rodeira, que é cuarto, o Vertigo Sailing Club, quinto, o ENM Marín, sexto e o Mrcy Bayona, sétimo, pechando a táboa.
As seguintes probas clasificatorias celebraranse o 7 e o 21 de maio en Vilagarcía, que tamén acollou a última cita destas regatas.
