O RC Náutico de Vigo encabeza a clasificación provisional da liga da Muller de Vela, que organiza a Real Federación Galega na localidade de Vilagarcía de Arousa .
Esta regata naceu para potenciar aínda máis a presenza da muller no deporte da vela. Os equipos participantes nesta primeira edición dispoñen do mesmo tipo de barco, un Elliot-6 M. Esta embarcación foi clase olímpica ata os Xogos de Londres en 2012. Xustamente foi aí, nesa cita olímpica onde a vela galega feminina tivo o seu maior éxito co ouro colleitado nesta clase por unha tripulación na que estaban as galegas Támara Echegoyen e Sofía Toro.
A Liga da Muller de Vela alcanza xa a súa cuarta xornada dentro da fase clasificatoria. A cita deportiva terá lugar o próximo sábado día 21 de maio. Vilagarcía de Arousa acollerá esta regata á que a tripulación do RC Náutico de Vigo chega líder.
A segunda praza provisional nesta competición está ocupada neste momento por un combinado de Vigo e Rodeira, mentres que o terceiro lugar é para o RC Náutico de Sanxenxo e o cuarto para o RC Náutico da Coruña.
O barco coruñés conta cunha tripulación conformada por deportistas da Escola de Vela. Nesta ocasión estivo exercendo de patroa Soledad Mallo e coma tripulantes: Arancha Rivero, Marta Torres e Paloma Martínez de la Riva. Nas catro mangas disputadas este sábado lograron como mellores postos, un primeiro un segundo lugar.
