O Club Volei Praia Milenio de Ourense volveu do torneo de Vilanova cunha prata. A parella formada por Nuria Bouza e Nazaret Florián subiu á segunda posición do podio na localidade catalá.
As xogadoras do equipo galego conseguían meterse na final tras un partido de infarto en semis, onde venceron por un 2-1 cun terceiro set moi igualado, chegando a gañar pola mínima cun 22-20. Xa na final, Bouza e Florián non puideron con Erika Kliokmanaite e Kadri Puri, e caeron derrotadas quedando no segundo lugar.
Na proba masculina, Hernán Tovar e Ronaldo Hernández conseguiron gañar na final ante Javi Monfort e Pablo Pérez. Na fin de semana, tamén se celebrou un torneo en San Sebastián, no que o Praia Milenio competiu con David Guiñazú, que formou parella con Burgal, do VoleiPraiaVigo. Os xogadores quedaron en quinto lugar.
Na vindeira fin de semana haberá proba do circuíto de Madrid, onde algúns representantes do conxunto ourensán competirán.
