O Conservas Orbe Rubensa BM Porriño segye ben encamiñado para lograr a permanencia na Liga Guerreiras Iberdrola. Na segunda xornada da segunda fase, as de Isma Martínez venceron ao San José Obrero por un 30-22.
O cadro canario foi de máis a menos nun partido no que os puntos eran vitais para ter opcións na salvación. Con esta vitoria, o Porriño mantense na terceira posición, a catro puntos do cuarto clasificado e un do líder e do segundo.
O BM Porriño recuperouse dun mal inicio
O partido deu comezo no pavillón de O Porriño cun conxunto visitante dominando na pista. Cunha defensa 6:0, o San José Obrero ou CICAR Lanzarote Ciudad de Arrecife facíase forte no centro do campo e impedía que as locais se adiantaran no marcador.
Á súa vez, as canarias non fallaban na meta contraria grazas ás súas extremos, que sumaban goles ao seu casilleiro.
Porén, o equipo dirixido por Isma Martínez reaccionou chegado o minuto 9, poñendo o empate de 5-5 no marcador cun tanto de Alicia Campo. A igualada deu forza ás galegas que comezaron a tomar o mando do duelo.
As forzas entre ambos conxuntos continuaban extremadamente igualadas, chegando o ecuador do primeiro tempo cun 7-6. A defensa local era un fortín, pero a porteira rival, Aleksandra Orowicz, facía imposible crear distancia no electrónico.
Con todo, o Porriño seguía medrando na súa pista e a falta de cinco minutos para a pausa, lograba xa impoñer o seu xogo, colocando o 13-8 no luminoso. Sandra Fernández liderou ás locais neste período e rematou como a máxima anotadora do encontro con 6 goles.
Co CICAR Lanzarote bloqueado, o técnico canario viuse obrigado a parar o tempo para restablecer o equilibrio no marcador. O ritmo de xogo das porriñesas non daba opcións ás visitantes, e o descanso chegou co 16-10.
As galegas imposibilitaron a remontada canaria
Á volta de vestiarios, viuse sobre a pista a un Conservas Orbe Rubensa BM Porriño vencedor, que comezou o segundo tempo cun parcial 6-4, aumentando a renda ao seu favor.
Co paso dos minutos, as canarias estaban cada vez máis desconectadas, ante un conxunto local moi eficaz na defensa e no ataque. O CICAR Lanzarote tiña cada vez menos enerxía e forzas para facer fronte á pegada galega, que manexaba o ritmo do encontro a pracer.
Os cambios no banco rival non impediron que o Conservas Orbe Rubensa BM Porriño sentenciara o encontro, deixando en casa os puntos da vitoria.
Con esta van xa dous de dous trunfos, que deixan ao equipo de Isma Martínez cada vez máis preto da permanencia na máxima categoría do balonmán español.
Revive a vitoria do Porriño aquí.
FICHA TÉCNICA
33) CONSERVAS ORBE RUBENSA BM PORRIÑO: Alicia Campo (1), Andrea Amarilla, Érica Tavares (2), Inés Hernández (4), Soraia Lopes (4), Aitana Santomé (2), Arima López (3) – sete inicial -. Tamén xogaron: Alba Dapena, Claudia Kaulback, Anthia Espiñeira (3), Sarai Samartin (3), Mónica Oliveira (3), Sandra Fernández (6), Carme Castro (2), Fátima Ayelén e Estela Carrera.
20) CICAR LANZAROTE CIUDAD DE ARRECIFE: Esther Gloria de Miguel (1), Melania Cabrera, Nabila Harchaouin (2), Marta Morales, Nagore Sáenz (2), Sara de León (4), Alicia Torres (1) – sete inicial -. Tamén xogaron: Gema Trujillo (4), Celia López (1), Gabriela Romero, Priscila Dos Santos (4), Miriam Páez (1), Ana Marín e Aleksandra Orowicz.
MARCADOR CADA CINCO MINUTOS: 0-3, 2-4, 3-6, 6-7, 8-9, 8-14, 2-4, 5-5, 8-6, 10-6, 13-8, 16-10, – descanso -, 18-12, 22-14, 27-16, 29-17, 32-18, 33-20.
ÁRBITROS: Abel Juncal e Ángel Mateos. Por parte do conxunto do Conservas Orbe Rubensa Bm Porriño excluíron a Soraia Lopes, Arima López, Sarai Samartin e Sandra Fernández. No equipo do CICAR Lanzarote Ciudad de Arrecife, excluíron a Melania Cabrera e Alicia Torres.
INCIDENCIAS: Partido correspondente á 2ª xornada da segunda fase da no grupo pola salvación na Liga Guerreras Iberdrola de Balonmán feminino.
