A Liga Guerreiras está rematando a súa primeira fase, e o Conservas Orbe Rubensa BM Porriño loita por non rematala nos postos inferiores. Nesta penúltima xornada competitiva recibirán ao Adesal Córdoba, o actual colista, en casa. A cita será o sábado, 27 de febreiro, ás 20:00 horas.
Porén, isto non debe facer que as galegas se confíen. Só catro puntos, ou dos vitorias, separan ao Porriño das andaluzas na Liga Guerreiras Iberdrola. Cabe recordar tamén que as de Isma Martínez teñen un partido menos disputado.
Números aparte, ambos equipos chegan en boa forma. As locais venceron nun duelo trascendental ante o Morvedre hai un par de xornadas, o que as tranquiliza de cara ao futuro. Pola súa parte, as visitantes aínda non venceron nesta segunda volta, pero puxeron a todos os seus rivais contra as cordas.
O Porriño perdeu na ida
Para esta nova edición do enfrontamento entre galegas e andaluzas, as primeiras buscarán resarcirse da derrota consumada na primeira volta.
Cun 28-23 final esta foi a única ocasión na que o Adesal Córdoba sumou unha vitoria, sendo superior ás entón visitantes. Desta volta, o cadro galego actuará como local usando a súa pista como talismán.
