Unha xornada máis, o Conservas Orbe Rubensa BM Porriño sufre unha derrota. Desta vez o encargado de levarse o partido fronte ás galegas foi o Club Balonmano Elche (visitelche.com), que foi superior sobre a súa pista (32-19).
Este partido da undécima xornada da Liga Guerreras Iberdrola estivo marcado pola igualdade nos seus primeiros compases, pero antes do ecuador do duelo o Elche reclamou o dominio.
Para o inicio do encontro ambos equipos saíron á pista completamente concentrados e enchufados, mentalizados para sumar os dous puntos. Pasados dez minutos o marcador informaba do 3-5 a favor das galegas, que eran superiores en ataque polos seus cruces e un movemento rápido de balón combinado cunha gran defensa.
A intensidade do equipo dirixido por Isma Martínez obrigou ao adestrador rival, Joaquín Rocamora, a solicitar un tempo morto. O seu discurso xurdiu efecto, xa que a falta de dez minutos para o final as locais situábanse xa por diante.
O debuxo do Elche pasou a unha defensa invidual que bloqueou ás galegas e deixaba o marcador cun 17-11 ao tempo do descanso. O Porriño tivo problemas para amoldarse a este novo plantexamento rival, á vez que as locais aproveitábanse dos erros galegos.
Falta de efectividade do Porriño
Tras o paso por vestiarios as visitantes estaban fóra do xogo e non atopaban a fórmula para frear ás valencianas. Desta forma, a distancia no electrónico aumentaba deixando decidido o encontro. O gran partido de Soraia Lopes no bando galego (sendo a máxima goleadora do duelo) non foi suficiente para a remontada e oresultado final sería 32-19.
A gran defensa ilicitana e a falta de efectividade do Porriño deron lugar a outra xornada na que as galegas non puntuan. As de Martínez non coñecen a vitoria desde a quinta xornada, cando venceron 25-27 ao Rocasa.
FICHA TÉCNICA
32) BALONMANO ELCHE VISITELCHE.COM: Ekaterina Zhukova (3), Giselle Menéndez (5), Celia Guilabert (3), Patricia Méndez (2), Nuria Andreu (2), Ivet Musons (2), María Flores, Joana Bolling (2), Gabriela Clausson (4), Lysa Tchaptchet (1), Clara Gascó (2), Ana Martínez (4), María de Gracia Duque (2), Nicole Morales e Patricia Encinas.
19) CONSERVAS ORBE RUBENSA PORRIÑO: Ana Cerqueira, Alicia Campo, Erica Tavares (2), Inés Hernández (4), Soraia Lopes (7), Aitana Santomé, Arima López, Alba Dapena, Anthia Espiñeira (1), Sarai Samartin (4), Mónica Oliveira (1), Sandra Fernández, Carme Castro, Fátima Ayelén e Estela Carrera.
MARCADOR CADA 5 MINUTOS: 2-1, 3-5, 5-8, 8-9, 13-11 e 17-11 – descanso – 20-12, 23-13, 26-14, 28-16, 32-18 e 32-19.
ÁRBITROS: Cristina Martín e Laura Buchón. Foron excluídas polo Porriño Erica Tavares, Inés Hernández, Arima López, Sarai Samartin, Mónica Oliveira e Sandra Fernández. No Balonmano Elche Visitelche.com excluíron a Celia Guilabert, Nuria Andreu, Ivet Musons, María Flores, Lysa Tchaptchet e María de Gracia Duque.
INCIDENCIAS: Partido correspondente á undécima xornada la Liga Guerreras Iberdrola de balonmán.
