Este mércores, 27 de xaneiro, o o Conservas Orbe Rubensa BM Porriño recibiu ao Aula Alimentos de Valladolid para disputar a ida da segunda fase da Copa da Raíña de balonmán, que quedou en Galicia. As locais impuxéronse cun 31-28 no marcador e están un paso máis preto de pasar de fase.
O primeito encontro desta eliminatoria estivo marcado pola igualdade sobre a pista. O Porriño tivo que apretar e esforzarse ata o final para levarse o encontro, nunha remontada que lle mereceu a vitoria.
Un pulso entre galegas e vallisoletanas
O factor casa xogou a favor da moral das galegas, que desde o minuto un saíron concentradas ao terreo de xogo. Os primeiros tantos foron para as visitantes pero o Porriño non tardou en facerse co control dos compases do partido, mentres que o Aula Alimentos estivo máis desconcentrado no inicio do encontro.
A súa porteira, Carmen Sanz, salvou en varias ocasións ás visitantes, que estaban escasas de acerto en ataque. Algo que foron mellorando co paso dos minutos, nun incremento que non se viu nas filas galegas, polo que o duelo foi igualando forzas pouco a pouco.
Con todo, a vantaxe lograda polas locais foi suficiente para que, transucrridos vinte minutos, o Porriño situarase por diante poñendo o 11-9 no marcador. As rivais non se rendirían tan facilmente e puxeron o empate, ata lograr irse dun punto ao descanso.
O duelo decidiuse nos minutos finais
Esta derrota momentánea non derrumbou a moral galega, que tiña claro que seguiría pelexando polo resultado. Así chegou a segunda parte do encontro, na que ambos conxuntos destacaban pola súa intensidade.
As ofensivas do Aula Alimentos eran freadas por xogadoras como Fátima Ayelén, pero non o suficiente como para que deixasen de ter a vantaxe. O Porriño seguía de preto os pasos das contrincantes, sempre un punto por riba.
Todo cambiou pasado o ecuador da segunda metade. O equipo dirixido por Isma Martínez foi quen, por fin, de recuperarse e chegar a igualar os tantos visitantes, deixando o electrónico no 24-24.
O pulso caeu entón do bando contrario, favorecendo nos minutos finais ás locais. Os ataques das galegas comezaron a ter máis efectividade, e ían sumando goles que as aventaxaban no duelo. O Porriño desarmou ás vallisoletanas e dominou a parte final do partido. Desta forma, a ida quedou en Galicia, e o cadro de Martínez está un pouco máis preto de superar a eliminatoria.
No conxunto local destacou Soraia Lopes. A lusa foi a máxima goleadora do duelo, aportando 7 tantos ao seu equipo. Tamén foi moi destacado o acerto da súa compañeira Mónica Oliveira, que asinou seis goles. Os mesmos que a rival, Lorena Aide Tellez, máxima anotadora do Aula Alimentos.
O Porriño deberá afianzar o pase este sábado
Con esta vitoria non está todo feito. As galegas deberán defender o seu pase de eliminatoria este sábado, xogando como visitantes contra o Aula Alimentos.
A volta disputarase o sábado, 30 de xaneiro, ás 19:00 horas no pavillón Huerta del Rey, en Valladolid. Poderá seguirse vía streaming a través do Youtube.
DHF| Este sábado se juega la vuelta de la segunda ronda para clasificarse a la Copa de la Reina‼️
🆚@BmAulaCultural
⏰19:00
📍 Pabellón Huerta del Rey
🔴En directo por YouTube#aRevolta #CopadelaReina pic.twitter.com/XGcBfqsHUV— Club Balonmano Porriño (@BmPorrino) January 28, 2021
FICHA TÉCNICA
31.- CONSERVAS ORBE RUBENSA BM PORRIÑO: Ana Cerqueira (2), Alicia Campo (1), Andrea Amarilla (2), Érica Tavares (4), Inés Hernández (1), Soraia Lopes (7), Alba Dapena (4), Claudia Kaulback, Anthia Espiñeira (4), Sarai Samartín, Mónica Oliveira (6), Sandra Fernández, Carme Castro, Ithaisa Trigo, Fátima Ayelén e Estela Carrera.
28 .- AULA ALIMENTOS DE VALLADOLID: Elba Álvarez (2), Jimena Laguna (4), Danila So Delgado (2), Francisca Parra, Ángela Nieto (3), Cristina Cifuentes (2), Lorena Téllez (6), Mireia Díez, Teresa Álvarez, Sara Moles (3), Elena Cuadrado (3), Rafaela Bergara, Amaia González (3), Carmen Sanz e Lourdes Guerra.
PARCIAIS CADA 5 MINUTOS: 1-3, 5-5, 8-8, 11-9, 13-13, 14-15 – DESCANSO – 15-18, 17-18, 21-22, 24-24, 26-25, 31-28.
ÁRBITROS: Alejandro Hoz e Axel Riloba. Excluíron a Alicia Campo, Inés Hernández, Soraia Lopes e Mónica Soares por parte del Conservas Orbe Rubensa Porriño. No Liberbank Gijón eliminaron a Natalia Martínez.
INCIDENCIAS: Encuentro correspondente á 8ª xornada da Liga Guerreras Iberdrola.
