Na sexta xornada da fase pola permanencia na Liga Guerreras Iberdrola, o Conservas Orbe Rubensa Porriño viaxa a Lanzarote para enfrontarse ao CICAR Lanzarote Ciudad de Arrecife. O partido será o sábado, 8 de maio, ás 19:30 horas.
As galegas xogarán coa tranquilidade de saberse salvadas na máxima categoría. Aínda así, o seu técnico, Isma Martínez, recorda a importancia deste duelo: “O partido da fin de semana é se cabe o máis importante dos tres que quedan, porque hai terceiros equipos que están pendentes. Temos que saír serias e facer o noso traballo, temos que ser dignas coa competición e intentar gañar en Lanzarote”.
Isma Martínez: “O partido da fin de semana é se cabe o máis importante dos tres que quedan, porque hai terceiros equipos que están pendentes”
O Lanzarote marca a liña da permanencia
O rival desta xornada para as xogadoras do Porriño está a competir a vida e morte. As canarias marcan a liña da salvación, sendo cuartas con 12 puntos.
Na última xornada o seu adversario foi o Balonmano Salud Tenerife, ao que venceu no encontro cun resultado de 25-18. Este trunfo permitiulles saír da zona de descenso, que agora está a só un punto de distancia.
Isma Martínez: “Agardamos un partido completamente distinto ao que vivimos en casa”
Con todo en xogo, o Lanzarote será un conxunto moi duro xogando como local. Isma Martínez admitiu que este sábado “agardamos un partido completamente distinto ao que vivimos en casa. En casa foron incapaces de atacar a nosa defensa porque estivemos moi sólidas, moi xuntas e fortes. Entendemos que na súa casa elas serán diferentes”.
O obxectivo do Porriño é ser o líder do grupo
Quedan tres xornadas para finalizar a tempada e, coa salvación asegurada, a meta do Porriño non é outra que finalizar na primeira posición do grupo polo descenso.
“O noso obxectivo pasa por ser primeiras desta fase. Imos intentar gañar os tres partidos”, declaraba o adestrador.
As vermellas levan un pleno de vitorias nesta fase final, sendo a última contra o Uneatlantico Pereda, ao que derrotaron por un 25-18, no que foi o quinto trunfo consecutivo. Unha vitoria dobre que servui para certificar a permanencia. Actualmente o Porriño é o primeiro clasificado con 17 puntos.
Para esta sexta xornada as galegas tamén irán a pola vitoria, pero o farán coas baixas de Soraia Lopes e Fátima Ayelén, que non pisarán as pistas durante unha tempada por lesión.
O partido poderá seguirse vía streaming no Youtube do CB San José Obrero.
