O Conservas Orbe Rubensa Porriño continuará un ano máis competindo na máxima categoría, a Liga Guerreras Iberdrola. Porén, tres xogadoras non seguirán co equipo adestrado por Isma Martínez. Alba Dapena, Soraia Lopes e Mónica Soares non competirán co club galego na próxima campaña.
A última xornada disputada, correspondente ao último partido que as conserveiras disputan como locais nesta tempada, serviu a modo de despedida para as tres xogadoras cunha vitoria ante o Zuazo. O propio club do Porriño despediuse delas tamén nas redes sociais, desexándolles “toda a sorte do mundo” e agradecéndolles o seu traballo.
Este fin de semana estuvo lleno de emociones, pero también de alguna despedida, y es que nuestras jugadoras Alba Dapena, Soraia Lopes y Mónica Soares no continuarán la próxima temporada con nosotros.
Os deseamos toda la suerte del mundo y muchas gracias por todo🌟📸 @xoelgil pic.twitter.com/YquIjWn25d
— Club Balonmano Porriño (@BmPorrino) May 18, 2021
Adeus ás máximas goleadoras do Porriño
Coa marcha de Monia Soares e Soraia Lopes, o Porriño perde as súas dúas máximas goleadoras. A primeira delas leva unha media de catro goles por partido, cun total de 28 en 7 encontros disputados na fase pola permanencia. A segunda anda preto, cunha media de 3,43, e un total de 24 tantos.
Na primeira fase, na que as galegas competiron no Grupo B, estas dúas xogadoras tamén foron fundamentais no ataque. Lopes anotou un totla de 62 goles, mentres que Soares chegou á cifra de 55 goles, nos 13 partidos que competiu o conxunto conserveiro.
O retiro de Alba Dapena
A pivote pontevedresa Alba Dapena despídese do Porriño, pero tamén do balonmán. A xogadora recuperouse dunha lesión de ombro sufrida na pasada tempada, pero toma a decisión de retirarse do mundo deportivo despois de toda unha vida vinculada ao balonmán.
