A sexta xornada da Liga Guerreras Iberdrola enfrontaba ao Conservas Orbe Rubensa Porriño co Rocasa Gran Canaria como local. Neste encontro, as galegas comezaron sendo superiores, pero finalmente perderon por un 27-22.
Malia o dominio das visitantes na primeira metade do encontro, as canarias lograron recompoñerse e asinar a remontada, deixando os dous puntos da vitoria en casa.
Pulso man a man
O Rocasa Gran Canaria comezou con forza o encontro. As locais abriron o marcador cun gol da pivote Alba Spugnini, unha das máximas goleadoras da categoría.
Por parte galega, nos primeiros minutos o Porriño non se atopaba cómodo en ataque, e non atopaba boas ocasións de lanzamento. Non foi ata o penalti provocado por Santomé e convertido por Casasola que as porriñesas anotaron.
Co paso dos minutos, as de Isma Martínez foron meténdose no partido. Grazas a unha serie de imprecisións locais, o Porriño impuxo o ritmo de xogo que máis lle favorecía. Pasados os primeiros dez minutos, o marcador informaba do 1-4.
Como resposta, o Rocasa Gran Canaria cambiou a súa defensa a un 5:!, aumentando a intensidade e complicando de novo o ataque porriñés. Para o minuto 22, Gkatziou empatou o duelo no 7-7.
A igualdade era a tónica xeral do partido. Para o final do primeiro tempo, o Porriño perdía pola míninma, cun 11-0 malia ter acadado anteriormente unha renda de catro goles.
Na segunda metade as galegas atacaron primeiro, pero a defensa canaria foi superior, con Ana Palomino destacando polas súas intervencións.
As locais facían dano cos seus contraataques, mentres que o Porriño non se adaptaba ao novo ritmo de xogo. No minuto dez, o resultado era favorecedor para as canarias por un 17-13 grazas ao acerto nos lanzamentos exteriores do Rocasa Gran Canaria.
As de Martínez intentaron recortar distancias aumentando a intensidade ofensiva e defensiva. A dez minutos do final o electrónico seguía a favor das locais, coas porriñesas lastrando erros.
Casasola intentou liderar ao seu equipo á remontada, sendo unha das máximas goleadoras do encontro con sete tantos. Porén, o Porriño non foi capaz de romper a diferenza de tres ou catro goles que mantiñan as canarias.
No último minuto, o Rocasa Gran Canaria puxo terra de por medio para chegar ao final cun 27-22 no luminoso. Malia loitar ata o final, as galegas volveron a casa coa derrota.
Final do partido, a pesar de dominar a primeira parte as locais impuxéronse‼️@BMRemudas 27 🆚 Rubensa Bm Porriño 22
📸Rocasa Gran Canaria#LigaGuerrerasIberdrola @depo_es pic.twitter.com/trvEXhy4OL
— Club Balonmano Porriño (@BmPorrino) October 20, 2021
FICHA TÉCNICA
Rocasa Gran Canaria: Melania Falcón (1), Esther De Miguel (1), Arinegua Pérez (4), Vasilki Gkatziou (4), Yuli Quevedo, Alba Spugnini (1), Seynabou Mbengue (4), María Gomes (3), María González (2), Mizuki Hosoe (2), Katarina Pavlovic (5), Silvia Navarro, Ana Palomino, Susana Martín e Inés Sánchez.
Conservas Orbe Rubensa Bm Porriño: Andrea Amarilla, Carolina Bono (1), Micaela Casasola (7), Alicia Campo, Érica Tavares (2), Aitana Santomé (3), Anthia Espiñeira, Maider Barros (5), Sarai Samartín, Haridian Rodríguez (2), Sandra Fernández (2), Thais Fermo, Carme Castro, Fátima Ayelén e Estela Carrera.
Marcador cada 5 minutos: 1-1, 1-4, 4-5, 5-7, 7-7, 11-9, DESCANSO, 16-11, 18-13, 21-14, 22-18, 24-20, 27-22.
Árbitros: Sebastián Fernández e Alberto Murillo. Por parte do Conservas Orbe Rubensa Bm Porriño excluíron a Maider Barros e Sarai Samartín. No Rocasa Gran Canaria excluíron a Alba Spugnini e Katarina Pavlovic.
Incidencias: Partido correspondente á sexta xornada de la Liga Guerreras Iberdrola.
