O Conservas Orbe Rubensa BM Porriño volvía á pista despois do parón de Nadal e o facía ante as asturianas do Liberbank Gijón no inicio da segunda volta da Liga Guerreras Iberdrola. Un regreso sen celebración, xa que as galegas perderon por 21-26 ante as visitantes.
O duelo comezou coa máxima igualdade entre ambos conxuntos, que acusaban o parón e a falta de rodaxe despois do Nadal. Nos dez primeiros minutos o empate estaba conxelado no marcador, malia os acertos en defensa e en ataque de galegas e asturianas.
Pero as primeiras pecaron dalgúns erros que determinarían o curso do partido. O Liberbank Gijón aproveitou os fallos rivais e subiu unha marcha o ritmo, comezando así a aventaxarse no marcador.
O 4-4 pronto converteuse nun 4-7, e cando o Porriño reaccionaba e respondía con tantos, tamén o facían as visitantes. As de Isma Martínez tiñan dificultades para frear o acerto das contrincantes e así chegou o tempo de descanso, cun 9-13 no electrónico.
Na segunda parte, a tónica do partido non cambiou e o equipo dirixido por Cristina Cabeza seguía mandando na pista. A distancia entre ambos conxuntos seguía medrando, ata o minuto 10, no que se acadou a máxima diferenza, coas galegas oito puntos por debaixo.
Non foi ata o tramo final da cita cando as xogadoras do Porriño deron co seu xogo e comezaron a reaccionar. Pero unha gran actuación das asturianas, con Cecilia Cacheda como máxima goleadora, facía imposible a remontada galega.
Os erros nos pases, as malas decisión nos lanzamentos e o acerto do Liberbank Gijón, que foi superior na maior parte do encontro, castigaron ás locais, que estrean ano e volta cunha derrota.
Para a seguinte xornada, o Porriño visitará ao CB Morvedre o próximo sábado, 23 de xaneiro, ás 19:00 horas.
PARTIDO DHF| Final del encuentro‼️@CBLaCalzada 26
Conservas Orbe Rubensa Bm Porriño 21#aRevolta pic.twitter.com/OaXxDRjIpq— Club Balonmano Porriño (@BmPorrino) January 16, 2021
FICHA TÉCNICA
21.- CONSERVAS ORBE RUBENSA BM PORRIÑO: Ana Cerqueira, Alicia Campo, Andrea Amarilla, Erica Tavares (2), Inés Hernández (4), Soraia Lopes (6), Alba Dapena, Claudia Kaulback, Anthia Espiñeira (2), Sarai Samartin, Mónica Soares (3), Sandra Fernández (2), Carme Castro (2), Fátima Ayelén, Estela Carrera e Begoña Otero.
26 .- LIBERBANK GIJÓN: Raquel Álvarez, Meriem Ezbida, Marta Méndez, Marizza Faria (2), María González (3), Cecilia Cacheda (7), María Palomo (4), Débora Torreira, Nerea Calbón (1), Elisa Collado (1), Aida Palicio (4), Natalia Martínez (3), Lucia Fernández, Sandra Vallina (1) e Lucía Alonso.
PARCIAIS CADA 5 MINUTOS: 3-2, 4-4, 4-7, 7-9, 7-11, 9-13, DESCANSO, 9-15, 10-18, 12-20, 15-22, 19-24, 21-26.
ÁRBITROS: Alejandro Hoz e Axel Riloba. Excluíron a Alicia Campo, Inés Hernández, Soraia Lopes e Mónica Soares por parte del Conservas Orbe Rubensa Porriño. No Liberbank Gijón eliminaron a Natalia Martínez.
INCIDENCIAS: Encuentro correspondente á 8ª xornada da Liga Guerreras Iberdrola.
