O Poio Pescamar está un paso máis preto de asegurar a súa presenza no play off polo título de campión da Primera División. As galegas impuxéronse pola mínima ante un FSF Móstoles sen nada en xogo, nun partido igualdado e que as visitantes venceron por un 0-1.
Con este resultado, o plantel dirixido por Manu Cossío dependerá de si mesmo na última xornada para manterse na loita por rematar a segunda fase entre os primeiros catro clasificados, os que máis adiante disputarán o play off para proclamar ao campión desta atípica tempada.
Paritdo sufrido para o Poio
A igualdade foi máxima desde os primeiros compases do partido, nunha pista do Pabellón Villafontana na que as ocasión alternábanse entre ambos conxuntos. A primeira ofensiva clara foi efecutada polo conxunto local, cun disparo de Celia que non chegou a apuntar entre os tres paus.
As seguintes oportunidades con perigo foron para as visitantes. Ana Rivera e Dani Sousa obrigaron á gardameta local a facer unha triple parada para evitar o gol galego. Co paso dos minutos, o partido seguía sen un dominador claro, e os dous conxuntos rondaban as porterías contrarias. No bando do Móstoles, Sara estivo a piques de anotar, freada por Silvia Aguete, mentres que Miri na porta contraria impedía un tanto de Julia Dupuy e o disparo de Luci.
No tramo final da primeira parte, a porteira do Poio Pescamar tivo que facer un esforzo extra para evitar a adiantada local. Silvia fixo dúas grandes paradas, desarticulando a xogada ensaiada do Móstoles, con Celia disparando a porta. A tensión aumentaba co paso do tempo, e o marcador seguía conxelado a ceros cando a local Inma viu a primeira tarxeta do encontro.
O Móstoles comezaba a dominar o partido, achegándose con perigo á meta visitante, cunha acción de Benete e Inma na que tivo que intervir Ana Rivera para impedir o gol. A galega erixiuse entón como faro do Poio, pasando de evitar un tanto rival a anotar gol un minuto despois. Miriam iniciou unha xogada en combinación con Dani Sousa, quen deixou o balón colocado de cara á propia Rivera, quen non dubidou e fixo un tiro certeiro que subiría ao electrónico. O descanso chegaba xusto entón con vitoria visitante.
O Poio perdeu a Antía, lesionada
Na segunda metade, o Móstoles saltou con forza ao seu campo, apostando pola remontada. Pola súa banda, o Poio optou por aumentar o ritmo do partido, no que tivo que seguir competindo sen Antía, que abandonou a pista lesionada. O equipo de Cossío buscaba aumentar a supresión en tres cuartos, traballando por un segundo gol que afianzase o trunfo.
Nos intres finais do duelo Miri tivo que loitar por evitar o 0-2 a favor das galegas, que seguían acechando a súa portería xerando cada vez máis oportunidades de gol. Co resultado en contra e o reloxo agotando o tempo, o Móstoles cambiou a súa estratexia a un xogo de cinco, con Shiori como porteira-xogadora. Benete estivo a punto de anotar o empate a porta baleira, pero as conserveiras foron máis eficaces nas tarefas defensivas.
O resultado final mantívose no 0-1 obtido na primeira parte, permitindo que o Poio Pescamar regrese a Galicia con tres puntos baixo o brazo, importantísimo ao deixar ás galegas como terceiras clasificadas a falta dunha xornada para que conclúa a segunda fase desta tempada.
Podes revivir o partido ao completo dándolle ao play:
FICHA TÉCNICA
FSF MÓSTOLES: Miri; Patri Chamorro, Inma, Celia e Benete -cinco inicial-. Tamén xogaron, Shiori, Sara Santos e Desi.
POIO PESCAMAR: Silvia; Irene, Lucía, Ana Rivera e Dani Sousa -cinco inicial-. Tamén xogaron, Antía, Julia Dupuy, Clara, Chiesa e Miriam.
GOLES: 0-1, min. 19 Ana Rivera.
ARBITRAXE: Múnez Carpintero e Panadero Díaz Concha do colexio madrileño. Recibiron tarxeta amarela Inma do Móstoles e Ana Rivera e Luci do Poio Pescamar. Marchou lesionada Antía, do Poio Pescamar.
INCIDENCIAS: Partido correspondente á sétima xornada da segunda fase da Primera División de fútbol sala, disputado no Pabellón Villafontana.
