Xa avisaba o técnico do Ourense Envialia durante a previa, que o partido ía a ser moi difícil pola gran racha de resultados que estaba a acadar o Poio. “Sabemos que vai ser un partido complicado ante un gran rival. Desde que lles gañamos en Liga, elas non perderon ningún partido”, decía Morenín na previa.
O pavillón de Poio viviu un gran partido entre o 3º o 4º clasificado da Primeira División. As de Combarro levaron a eliminatoria de oitavos de final por 3-1. Un resultado acadado durante a primeira metade e que durante o segundo tramo non sufriu novidades.
Morenín, adestrador do Ourense Envialia: “A segunda parte foi un monólogo noso pero non estivemos finas na finalización e iso prexudicounos moito. Silvia parou moito, foi claramente a mellor xogadora do partido e marcou a diferencia coas súas intervencións”.
As rojillas comezaron con moito ímpeto e intensidade e xa nos primeiros compases de partido conseguiu acumular unha renda de dous goles sobre as ourensás. Aos dous minutos de xogo, Cárol á saída dun saque de esquina e de volea de primeiras conseguía bater a Leti Vermello e adiantar ao Poio no partido.
Tras o encontro, Morenín valorou o gran comezo do Poio: “Pagamos os 10 primeiros minutos de partido xa que non saímos moi enchufadas. Recibimos dous goles moi rápido, un de estratexia e outro tras unha transición rápida. Creo que partir do minuto 10 fomos mellores, pero cando mellor estabamos recibimos o 3-1 que nos fixo moito dano”.
A intensidade das rojillas impoñíase inicialmente ante un Ourense que non se mostraba cómodo sobre a cancha. Nun saque en longo desde atrás de Iria, chegaba o coiro a Clara que controlaba e superaba á cancerbeira ourensá para ampliar a renda local. Corría o minuto 5 de partido e as locais xa vencían no marcador por 2-0 e ponía a eliminatoria moi custa arriba para as pupilas de Morenín.
As visitantes tentaban facerse co mango do partido ata acabar recortando distancias por mediación dun penalti transformado por Laura Uña. O Poio seguía moi firme na liña defensiva e ao fío do descanso Ana Rivero aproveitábase dun rebote para anotar o 3 a 1 co que chegaríase ao descanso e posteriormente ao pitido final.
Morenín, adestrador do Ourense Envialia: “Creo que partir do minuto 10 fomos mellores pero cando mellor estabamos recibimos o 3-1 que nos fixo moito dano”.
Silvia, un muro baixo paus
Xa na segunda parte, as ourensás saltaron á cancha dispostas a voltear o luminoso, aínda que o Poio mostrábase moi cómodo en labores defensivos e creaba perigo ao contragolpe.
“A segunda parte foi un monólogo noso, pero non estivemos finas na finalización e iso prexudicounos moito. Silvia parou moito, foi claramente a mellor xogadora do partido ao realizar grandes intervencións. Xogamos os cinco minutos finais con porteira xogadora, pero non estivemos finas e non tivemos as ideas claras. Imos coa sensación de que podiamos facer máis dano pero isto é unha eliminatoria e se perdes vas da competición”, falaba o adestrador ourensán sobre a superidade do seu equipo durante a segunda metade.
O Ourense Envialia optou a sete minutos do final por alternar o xogo de cinco con Laura Uña como porteira xogadora, pero faltoulle claridade nos metros finais para poder conseguir un gol que as metese na eliminatoria ante un Poio que alcanza desta forma os cuartos de final do torneo do KO.
Con esta derrota, ao Envilia só lle queda pensar na Liga e na recuperación dunha xogadora que foise lesionada na mañá de hoxe. “A parte da derrrota, a nota negativa tamén foi a lesión de Laura Doce cun problema nos cuádriceps”, decía Morenín tras finalizar o encontro con esperanzas de que a lesión da súa xogadora sea o menor posible.
FICHA TÉCNICA
POIO PESCAMAR: Silvia; Cárol, Irene, Clara e Daniela Sousa (quinteto inicial). Tamén xogaron, Andrea, Iria, Saeta, Ana Rivera, Mirian e Anna Escribano.
OURENSE ENVIALIA: Leti Vermello; Leti, Chiqui, Candela, Judith e Sara Santos (quinteto inicial). Tamén xogaron, Sara Moreno, Laura Uña, Lau doce, Marta, Iraia e Vane Barberá (segunda porteira).
GOLES:
1-0, min. 2 Cárol
2-0, min. 5 Clara
2-1, min. 15 Laura Uña (penalti)
3-1, min. 17 Ana Rivera
AMONESTACIÓNS: Recibiron cartolina amarela Judith e Sara Moreno no Ourense Envialia.
Pavillón Municipal de Poio. Uns 500 espectadores.
