As futbolistas do Poio Pescamar, terceiras clasificadas, reciben ás do AD Club Teldeportivo, que ocupan a sétima praza. Falamos polo tanto de plantillas que aspiran a metas diferentes nesta tempada 2020 – 2021 da Primeira División do Fútbol Sala Feminino da RFEF. Aínda así, cada partido é un mundo e está por ver quen leva o triunfo no cruce deportivo que as vai enfrontar mañá sábado 14 de novembro a partir das 18:30 horas en terras galegas. O Pavillón da Seca será o escenario de xogo.
As canarias viaxan sabendo que se miden a un club doutra Liga, pero buscan os seus primeiros puntos con ansia. Tras tres partidos disputados contan todos os seus partidos como derrotas. Encaixaron sete goles e so anotaron tres. Por contra, as poienses gañaron dous encontros e empataron un. Están invictas e, con sete puntos, ocupan a terceira posición na clasificación empatadas co CD Futsi Atlético Féminas.
As galegas quererán afianzarse máis no bloque de catro equipos que pasarán á seguinte fase competitiva loitando polo título.
A futbolista do Poio Pescamar Julia Dupuy explicaba aos medios que o que agardan non é un encontro sinxelo. “Esperamos un partido difícil. Na liga española todos os partidos so intensos. Será unha final máis. Somos un equipo con moita ilusión e ganas de lograr grandes cousas”. Explicaba a xogadora que no conxunto galego hai ganas “de que chegue o partido e os tres puntos queden en casa”.
Consultada sobre a súa opinión ao respecto do rival, Julia Dupuy destacaba do AD Club Teldeportivo que é un conxunto que remata de ascender, pero advertía que se trata dun bloque fai “boas transicións e ten boas xogadoras. É un equipo con fame e será un rival difícil”, prognostica a internacional arxentina do Poio Pescamar.
🎙️ RUEDA DE PRENSA| Nuestra internacional argentina @JuliaDupuy nos cuenta sus sensaciones para mañana ante el @Teldeportivo y su adaptación a la liga española. #somosabanca#enceplansocialpontevedra #deputaciondepontevedra #xuntadegalicia #poiomovese pic.twitter.com/xZLgRWYlp1
— Poio Pescamar FS (@PoioPescamarfs) November 13, 2020
Na convocatoria do Poio están: Miri, Julia Dupuy, Iraia, Antía, Agostina, Dani Sousa, Irene García, Clara, Iria, Luci, Caridad, Carol e Ana Rivera.
CONVOCATORIA|
Trece rojillas convocadas para disputar el encuentro de mañana 🆚 Preconte Telde que será retransmitido por el canal de YouTube del Poio Pescamar 🎥🖥 😁#enceplansocialpontevedra #poiomovese #somosabanca #deputaciondepontevedra #xuntadegalicia #NON pic.twitter.com/H7iBoBIUwM— Poio Pescamar FS (@PoioPescamarfs) November 13, 2020
Idoya, do Teldeportivo: “Habémolo dar todo para levar os tres puntos”
As grancanarias non dan nada por perdido e se desprazan a Poio dispostas a dar a badalada. Entre as xogadoras que adestra Cristina Gimeno, está Idoya Martínez Caballero, unha das novas incorporacións no cuadro de Telde. A xogadora apuntaba sobre o partido que as enfrontará ao Poio Pescamar que aínda que non teñan conseguido polo de agora “puntuar, a dinámica tanto defensiva como ofensiva vai en aumento. Pouco a pouco ímonos adaptando máis á categoría”.
‼️ Fútbol Sala Femenino
1ª División @SomosFutsal 5ªJornada
Previa @PoioPescamarfs vs @Teldeportivo➡️https://t.co/LKqnfvk0rL@idoya1403 “Será un partido difícil, con mucha intensidad, pero todo en esta liga es posible”#Teldeportivo #FutbolSalaFemenino #SomosFutSal
💛💙 pic.twitter.com/ofSLiPIUG3— Teldeportivo (@Teldeportivo) November 13, 2020
Idoya Martínez non descarta que o primeiro triunfo das grancanarias chegue en terras galegas: “Nunca podes dar nada por feito, pero estou certa de que habémolo dar todo para podérmonos levar os tres puntos á casa. Vai ser un partido difícil e con moita intensidade, pero todo nesta Liga é posible”, advirte a futbolista da escuadra isleña.
Como cada previa de partido as xogadoras galegas pasaron os test de control para previr o contaxio da COVID-19.
TEST 🏥👩🔬| Nueva semana que nuestro primer equipo pasa los test para preparar el partido del Sábado ante el @Teldeportivo canario. #enceplansocialpontevedra#somosabanca #poiomovese#deputaciondepontevedra#xuntadegalicia pic.twitter.com/YcVoCAGjwh
— Poio Pescamar FS (@PoioPescamarfs) November 12, 2020
No encontro se resaltará a importancia da loita contra da violencia de xénero.
