Logo da disputa da sexta xornada na Primeira División do Fútbol Sala Feminino da RFEF o CD Futsi Atlético Navalcarnero Féminas é aínda un pouco máis líder, pero o é a costa das galegas do Poio Pescamar ás que as madrileñas golearon por 6-1.
A cancha de La Estación acollía un partido no que as galegas podían facerse máis fortes na zona nobre da táboa pero finalmente, non foi posible. As locais ademais de ter un grande acerto rematador, foron moi sólidas en defensa impedindo ás galegas do Poio Pescamar meterse no partido.
As futbolistas que adestra Manu Cossío foron por detrás no marcador desde os primeiros compases do choque e non foron quen de arañar puntos nunha das canchas máis difíciles da categoría.
Nas boas noticias para o Poio Pescamar estiveron o regreso ás pistas de Clara. A futbolista levaba nove meses sen xogar.
💡NOTICIA| Ayer después de 9 meses de trabajo, sacrificio y sobre todo de muchas ganas, pudimos volver a ver a @CYumpi disfrutando en el 40×20‼️
¡A DISFRUTAR ⚡️! pic.twitter.com/llzhPU9qm3— Poio Pescamar FS (@PoioPescamarfs) November 22, 2020
Ame Romero foi a primeira en anotar para o Futsi 1-0. O 2-0 foi obra de Ariane nunha xogada a balón parado. O Poio Pescamar puña o 2-1 transformando unha falta directa e metíase no partido. Pero anotou Irene Córdoba froito dunha xogada de estratexia poñendo o 3-1 no luminoso cando ambas as dúas escuadras tomaban rumbo do túnel de vestiarios.
Á volta do descanso volvería anotar Ariane 4-1 e Marta Balbuena fixo o propio asinando o 5-1. O gol definitivo foi obra de Becha, o correu a falta dun segundo para rematar o partido. Así que se pode dicir que o Futsi apurou o tempo ata o derradeiro suspiro do partido.
O Poio Pescamar é terceiro
As galegas seguen na zona alta da táboa ocupando a terceira praza a so tres puntos do líder, o seu rival desta xornada. A seguinte fin de semana, neste grupo impar, tócalle descansar ao Poio Pescamar.
FICHA TÉCNICA
FUTSI ATLÉTICO NAVALCARENERO: Belén, Amelia Romero, Anita Luján, Ari e MAría Sanz – quinteto inicial -. Tamén xogaron: Marta Valbuena, Becha, Albita, Leti, Irene, Gaby e Laura.
POIO PESCAMAR: Caridad, Miri, Luci, Ana Rivera e Dani Sousa – quinteto inicial -. Tamén xogaron: Agostina, Antía, Clara, Iraia, Irene García e Julia Dupoy.
GOLES: 1-0 Amelia Romero min 2. 2-0: Ari min 5. 2-1: Antía min 11. 3-1: Irene min 20. 4-1: Ari min 23. 5-1: Marta Valbuena min 31. 6-1: Irene min 40.
ÁRBITROS: Jarque Ruiz e Manso Martín do colexio madrileño. Expulsaron a Belén, a porteira local por tocar un balón fóra da área. Amosaron cartón amarelo polas locais a Amelia Romero e ao adestrador auxililar. Pola parte do Poio viu cartón amarelo Clara.
INCIDENCIAS: Pavillón Polideportivo La Estación de Navalcarnero. O partido, correspondente á sexta xornada da Primeira División do Fútbol Sala da RFEF disputouse a porta pechada.
