O Poio Pescamar faise forte a costa do Ourense Envialia ao que golea 1-5 na súa casa

O dominio claro do Poio Pescamar arrasou ao Ourense Envialia, pásando por riba das locais coma unha apisonadora. O marcador fala claro dun partido no que as visitantes marcaron o ritmo de xogo pese a os infructurosos intentos das locais, que non tiraron nunca a toalla neste duelo entre escuadras do futsal feminino galego.

Se no seu último compromiso antes desta xornada o Poio Pescamar recibía unha goleada de parte dun potente Futsi Atlético Navalcarnero (1-6), as de Poio fixeron nesta ocasión o propio co Ourense Envialia ao que vencían a domicilio por 1-5.

Aínda que o Ourense Envialia saltou á pista do Paco Paz con forza, axiña tomou o control do encontro un Poio Pescamar que puxo sobre o terreo de xogo o seu mellor futsal. O primeiro tanto visitante chegaría aos 11 minutos das botas de Dani Sousa. Menos de dez minutos despois, Chiesa anotaba o 0-2.

Dobre cartón para Andrea Fejióo

A expulsión por dobre cartón amarelo no minuto 18 de Andrea Feijóo condicionou aínda máis as aspiracións das ourensás. Ao descanso as pontevedresas xa vencían 0-3 no Paco Paz froito dun tanto de Ana Rivera.

Nin o xogo de cinco polo que optou o Ourense Envialia de Morenín puido facer ás locais anotar os goles que precisaban para reducir a diferencia no luminoso e volver entrar no partido.

Con todo, as futbolistas do Ourense Envialia non baixaron o brazos en ningún momento e loitaron por amosar a súa mellor faciana sobre a pista. Así e todo, víronse superadas polo xogo desplegado polas xogadoras que adestra o técnico Manu Cossío. 

Os goles ían caendo nas redes de Barberá sen que as ourensás puidesen facer máis do que xa estaban tentando sen éxito. O 0-4 asinouno Clara. No minuto 30 repetía Chiesa anotado o 0-5. O tanto da honra para o Ourense Envialia anotouno Marta Figueiredo desde os dez metros.

O Poio Pescamar, terceiro

As conserveiras non tiveron piedade do Envialia e apuraron os goles para conseguir facer medrar a súa ratio de golaverage.

Efectivas, serias e contundentes, as futbolistas do Poio Pescamar acadaron un merecido triunfo no Paco Paz de Ourense, dando así un auténtico paso de xigante nas súas aspiracións para meterse na loita polo título ao final desta fase competitiva.

Cada xornada aséntanse máis na terceira praza, lugar que ocupan con 13 por debaixo de Futsi e Roldán. Nesta ocasión aproveitaron para beneficiarse de rebote da vitoria da AE Penya Esplugues diante do CD Leganés FS Masdeporte (4-6). Precisamente o seu próximo rival serán as catalás que agora son quintas empatadas a nove puntos co Leganés.

Morenín: “O noso rival foi mellor, o marcador dio todo”

Ao término do partido, segundo declaracións que recolle a web da ACFSF  adestrador das locais, Morenín, declaraba: “Hoxe o noso rival foi mellor. En termos xerais elas dominaron mellor todas as situacións de xogo. Nunca nos demos metido no partido. Agora non queda doutra que facer autocrítica. O bo é que o martes xa temos un partido para nos reconducir. Temos que ir collendo ritmo de competición. O marcador dio todo, hai que felicitar ao rival”.

Morenín, adestrador do Ourense Envialia: “Agora non queda doutra que facer autocrítica. O bo é que o martes xa temos un partido para nos reconducir”

Tal e como comentaba ao final do partido contra o Poio Pescamar, o Ourense Envialia ten axina o seu seguinte compromiso ligueiro. O vindeiro martes, 8 de decembro, aproveitando o festivo, Ourense Envialia e Viaxes Amarelle disputarán o partido que teñen pendente, protagonizando outro duelo entre equipos galegos. Ambos os dous conxuntos chegan á cita empatados a seis puntos na zona media-baixa da táboa clasificatoria.  A cita terá lugar a no Paco Paz a partir das 12:00 horas.

FICHA TÉCNICA