Despois do illamento por ter casos positivos en COVID-19, o Poio Pescamar está a disputar unha apretada axenda de partidos, poñendo a vista xa no terceiro desta semana. Será o sábado, 13 de febreiro, ás 19:00 horas (horario insular), visitando ao Teldeportivo. Logo de ter gañado os dous anteriores, intentarán dar por bo o dito popular que asegura que “non hai dous sen tres”. Así que, aló van! a pola terceira vitoria da semana.
As locais intentarán aproveitar o cansancio físico das galegas para roubarlle algún punto, pero non parten nunha moi boa posición. As canarias son colistas do grupo A da Primeira División do Fútbol Sala.
Con todo, non poderán quedar sen forzas tras o partido ante o Poio. Tres días despois o Teldeportivo viaxa a Galicia para enfrontarse ao Ourense Envialia.
De feito as grancanarias empezan fronte ao Poio Pescamar o seu particular maratón de febreiro. Xogarán nada menos que catro partidos en catro días. O primeiro será que disputarán contra das galegas, o segundo contra o C.F.S. Femenino San Fernando, o terceiro contra o CD Leganés, e o último será co que citabamos antes contra o Ourense Envialia. En total son un partido en casa e tres na Península. Logo desa maratón, é moi posible que as ourensás que adestra Morenín reciban a un Teldeportivo derreado.
O Poio ven de golear ao Cidade de As Burgas
As actuais subcampioas da Copa da Raíña chegan ao cruce coas futbolistas isleñas logo de endosarlle unha goleada ao Cidade de As Burgas e de vencer tamén ao Viaxes Amarelle. Para este encontro, as pontevedresas terán que facer gala da súa superioridade e dominar o partido ante o último clasificado.
Previsiblemente, esa será a tónica dun partido que conta co segundo clasificado, un plantel dirixido por Manu Cossío que mantivo a súa segunda posición na táboa ata de corentena.
