O Poio Pescamar rematou a semana maratoniana de partidos cun empate, perdendo dos puntos nos minutos finais do encontro ante o Penya Esplugues (3-3).
Os resultados non acompañaban ás galegas na súa viaxe a Cataluña. Procedentes de Murcia, onde perderon contra o STV Roldán e o seu segundo posto, as pontevedresas non pasaron por casa e foron directas a xogar contra as catalás. Aínda así, as futbolistas do Poio loitaron por un duelo que casi tiñan gañado, e no que se deixaron dous puntos nos minutos finais.
Forzas igualadas
Os dous equipos citáronse no Les Moreres coa vista posta en levarse a vitoria. Asgalegas intentaban controlar o ritmo do duelo desde o inicio, pero sen conseguir formalizar moitas ocasións de perigo.
Os disparos de media distancia eran as únicas ofensivas das conserveiras, que non lograban desmarcarse, ante un Penya tamén bloqueado en ataque. Foi necesario que pasase un cuarto de hora para que algún dos conxuntos abrira a lata, e foi a favor das locais, cun tanto de Clara. A expulsión de Silvia Aguete deixaba ás vermellas en inferioridade, polo que as catalás aproveitaron a situación para poñerse por diante tras un potente remate desde fóra da área da futbolista local.
A falta de dous minutos para o tempo de descanso, o Poio contestou cun tanto de Dani Sousa, igualando o marcador tras un saque de esquina de Luci. Pero as faltas volveron castigar ás conserveiras, que coa sexta vían como as catalás se poñían por diante co dobre penalti de Clara Rivera. Intentou de novo o empate o cadro galego, pero sen sorte fronte a portería rival.
O Poio foi de máis a menos na segunda metade
O conxunto visitante saltou á pista tras o descanso concentrado, coa intención de que a intensidade fora o seu sinal de identidade. Porén, a sequía goleadora seguía e en cinco minutos o marcador mantívose inamovible.
Isto non desanimaba ao Poio, que seguía apretando ata que, no minuto 7 desde a reanudación, chegou de novo o empate. Desta vez a autora foi Antía, quen rematou unha xogada das súas compañeiras, aproveitando o pase de Ana Rivera desde a banda dereita para disparar desde o centro da área.
O gol subuiu os ánimos nas xogadoras visitantes, que se viron con posibilidades de ir a pola vitoria. Así, sete minutos despois, chegaría o tanto que lle daba a vantaxe ás pontevedresas. Chiesa foi a responsable do terceiro gol visitante, cun disparo cruzado deixando o 2-3.
Pero o Penya non ía conformarse coa derrota, e loitou por volver a poñer o empate no electrónico. Un gol de Marta Collado desde a frontal da área poñía o 3-3, despois dunha xogada de estratexia iniciada coa falta botada por Berta Velasco.
Nos instantes finais, o Poio Pescamar apostou polo xogo de cinco, para recuperar o trunfo e volver a Galicia cos tres puntos. Porén, o ataque non volveu sorrir ás galegas. Así, este disputado partido rematou cun xusto reparto de puntos.
Dálle ao play para revivir o encontro do Poio.
FICHA TÉCNICA
3) PENYA ESPLUGUES: Raquel, Berta Velasco, Clara, Martita e Ruth– quinteto inicial -. Tamén xogaron: Irina, Marta Collado, Pilar Ribes, Celia Catá, Belén, Roser Maymó e Muni.
3) POIO PESCAMAR: Silvia Aguete, Dani Sousa, Irene García, Luci e Ana Rivera – quinteto inicial -. Tamén xogaron: Caridad, Miriam, Antía, Clara Rodríguez, Julia Dupuy, Cárol Agulla, Agostina Chiesa e Iraia.
GOLES: 1-0, min. 15 Clara. 1-1, min. 19 Dani Sousa. 2-1, min. 19 Clara. 2-2, min. 27 Antía. 2-3, min. 34 Chiesa. 3-3, min. 37 Marta Collado.
ÁRBITROS:R. Mamolar Calvo e S. Mamolar Calvo. Amonestaron con vermella a Silvia Aguete (15’) e con amarela Antía no Poio Pescamar.
INCIDENCIAS: Partido correspondente á 18ª xornada do Grupo A da Primeira División Nacional Feminina de Fútbol Sala RFEF celebrado no CEM Les Moreres.
