Tres de tres. O Poio Pescamar goleu nos tres partidos que tivo tras pasar a corentena, e foi capaz de impoñerse aos seus rivais e un esixente calendario de tres duelos nunha semana. A última vítima das poienses foi o Teldeportivo, actual colista, que non puido cun dos aspirantes a liderar a máxima categoría (1-4).
Esta vitoria mantén ás galegas na segunda posición, pero empatadas co Futsi Atlético Navalcarnero, o líder do Grupo A da Primeira División do Fútbol Sala, con 28 puntos.
No pudo el @Teldeportivo con el @PoioPescamarfs en una nueva jornada de 1ª división de @SomosFutsal. 1-4 fue el resultado final del partido disputado en el @CIDdeportes #Teldeportivo #FutbolSalaFemenino #SomosFutsal pic.twitter.com/u2WVBU1z3s
— Deporte TVCanaria (@deportetvC) February 14, 2021
O Poio dominou ao colista
O Poio viaxaba ás Canarias coa intención de seguir sumando de tres en tres e deixouno claro desde o minuto 1. Un tempraneiro gol de Dani Sousa no primeiro minuto de partido xa indicaba a tónica do duelo.
O tanto que abría o marcador, a favor das galegas, chegaba tras unha xogada de contraataque, cando as visitantes recuperaron o balón despois dun saque de esquina local.
A vantaxe do Poio sobre o Teldeportivo aumentaría uns minutos despois, concretamente no minuto 4, cun gol obra de Clara desde un disparo afastado.
As canarias, que esa tempada só suman un punto, obtido no empate ante as galegas do Cidade de As Burgas, víronse tocadas e case afundidas tras estos primeiros instantes de partido. A pesar de intentalo, achegándose en ocasións á portería defendida por Caridad, pero sen lograr modificar o marcador antes do descanso.
Tras o paso por vestiarios, o Teldeportivo reorganizouse e deixou ver sobre a pista unha mellor versión de si mesmo. Un disparo de Paulita ameazaba con que as locais recortasen distancias, pero a cancerbeira galega mantiña o marcador local a cero.
As oportunidades canarias foron respondidas polo terceiro tanto do Poio, grazas ao gol de Julia Duouy tras a asistencia de Antía, deixándoa soa ante a meta rival.
Pasaban os minutos e as visitantes seguían apretando, apuntando á goleada. Porén, a defensa rival salvaba un gol de Ana Rivera, pero foi incapaz de deter a Agostina Chiesa.
O final estaba a piques de chegar e as conserveiras xa tiñan catro tantos a favor, o que sobre o papel facía case imposible a remontada canaria. Porén, o Teldeportivo foi quen de anotar o gol da honra.
Cun cambio de debuxo, as locais comezaron a competir cun xogo de cinco, o que lles permitiu xerar máis ocasións e un penalti non transformado. O tanto canario chegaría xa sobre o pitido final, deixando o marcador no 1-4 final.
‼️Fútbol Sala Femenino
1ª División @SomosFutsal 13ª Jornada@PoioPescamarfs vs Gran Canaria @TeldeportivoGalería de Imágenes (680 fotos)
➡️https://t.co/CJqQRsZ4hq#Teldeportivo #FutbolSalaFemenino #SomosFutsal
💛💙 pic.twitter.com/GqgZgk40qv— Teldeportivo (@Teldeportivo) February 15, 2021
FICHA TÉCNICA
1) TELDEPORTIVO: Marta, Paulita, Collado, Vanessa, Montufo, Mariona, Idoya, Muni, Gallegos, Dámaso, Ticona.
4) POIO PESCAMAR: Caridad García, Irene García, Ana Rivera, Luci, Dani Sousa, Antía Pérez, Iraia, Clara, Agostina, Miri ,Julia, Dupuy, Iria Varela e Silvia Aguete.
GOLES: 0-1 Dani Sousa (min. 1). 0-2 Clara (min. 4). 0-3 Julia Dupuy (min. 28). 0-4 Agostina (min. 33). 1-4 Montufo (min. 40).
ÁRBITROS: Rodríguez González (C.T. Las Palmas) e Quintana García (C.T. Las Palmas). Amonestaron con tarxeta amarela a Ana Rivera, do Poio Pescamar.
INCIDENCIAS: Partido correspondente á 14ª xornada da Primeira División do Fútbol Sala Feminino da Real Federación Española de Fútbol, disputado no centro Insultar de Deportes a porta pechada.
