Por se non fora bastante coa COVID-19, as competicións deportivas teñen un novo obstáculo: o temporal Filomena. Desta vez, os afectados foron Pescados Rubén Burela FS e AD Alcorcón. O seu partido ten que ser adiado.
O estreo da segunda volta da Primeira División de futsal das Guerreiras Laranxas terá que esperar. O temporal Filomena, que está causando danos en moitas localidades impide tamén moitos desprazamentos. Un deles é o da AD Alcorcón, que non poderá viaxar ata Galicia para disputar o partido da décima xornada e non puido preparar o duelo nos adestramentos.
Segundo indican desde o club laranxa, este é un dos “vinte partidos afectados, tras as solicitudes recibidas na RFEF” en distintas categorías do fútbol sala español.
Así, o duelo entre dous grandes equipos do futsal español e con xogadoras de talla mundial terá que esperar. Polo de agora, non se coñece unha nova data. Na undécima xornada, o Burela desprazarase a Zaragoza para xogar contra o Intersala Promesas.
O Burela busca a seguinte vitoria no duelo contra o Alcorcón
