O partido adiado por mor do temporal entre o Dépor ABANCA e a Real Sociedad correspondente á xornada 14 de Primeira Iberdrola, xa ten data. Xogarase en Abegondo o vindeiro 19 de febreiro ás 19:00 horas.
O duelo que debía disputarse o sábado 21 de decembro na Cidade Deportiva de Abegondo foi aprazado polo temporal de vento que azoutou Galicia e disputarase finalmente o próximo mes de febreiro.
Actualmente, as deportivistas marchan na 4 praza con 30 puntos por 25 puntos das donostiarras, quintas na clasificación. O vindeiro mes teremos un duelo de altura entre semana.
