“A Escola de Fútbol sala Feminino do Parrulo Ferrol vai por bo camiño e un importante paso é a creación dun equipo senior, que esta tempada estrearase na Primeira Autonómica da RFGF”, anuncian desde o club da Cidade Departamental.
Este equipo está formado por Irene, Paula, Keira, Sofía Fraga, Ainhoa, Laura, Jenny, Ainara, Sara, Alba, Cris, Iria e Sofi, ao cal aínda se poderían incorporar novas xogadoras e estarán adestradas por unha auténtica lenda do Parrulo Ferrol como é Indalecio.
“O equipo está formado por mozas xogadoras con ganas de crecer e seguir progresando neste deporte e xa pasarán á historia de Parrulo Ferrol como o seu primeiro equipo senior feminino”, explican desde o club ferrolá.
Prazas dispoñibles na Escola de Fútbol sala Feminino do Parrulo Ferrol
Este equipo senior feminino será un dos espellos que terán as xogadoras que formen parte da Escola de Fútbol sala do Parrulo Ferrol , en colaboración co Valdetires Ferrol e a Fundación Gadesport.
As inscricións están abertas para as xogadoras de todas as idades e categorías basee, como tamén en senior. Todas as xogadoras interesadas poden descargar o formulario de solicitude de inscrición en www.oparrulofs.es, como tamén solicitar máis información nos teléfonos 673.668.664 e 671.113.550.
