A Selección de Galicia Sub-17 caeu ante o País Vasco (3-0) no encontro correspondente á segunda xornada da fase final do Campionato de España. As nosas non estiveron cómodas en ningún momento e as vascas encarrilaron o encontro nos primeiros 45 minutos grazas aos tantos de Enara, Jone e Marina.
A primeira parte non foi a desexada polas nosas. O conxunto vasco foi superior, adaptouse mellor ás circunstancias e en tres minutos encarrilou o partido, segundo informa a RFGF.
O primeiro gol chegaría no minuto 18 obra de Enara, que empuxou a pracer tras unha boa acción individual dunha compañeira. Sen apenas tempo para encaixar o mazazo, as vascas poñerían terra polo medio no minuto 21 co tanto de Jone. A dianteira vasca encarou a Reigosa no man tras unha transición e superou á porteira galega.
O 2-0 fixo moito dano ás nosas, que non puideron reaccionar antes do descanso e apenas se aproximaron sobre a meta defendida por Alaitz. O castigo sería maior posto que no engadido do primeiro acto apareceu Marina para anotar o 3-0 á saída dun córner.
Tras o paso polos vestiarios, as nosas deron un paso adiante na procura de volver ao encontro, pero apenas chegaron á meta vasca. É máis, foron as locais as que marcaron o 4-0 obra de Daniela a falta de 20 minutos para o remate do enfrontamento.
Galicia xa non depende de si mesma
Con esta derrota, a Selección Galega Sub-17 suma un punto despois da disputa das dúas primeiras xornadas da fase grupos. As nosas aínda teñen opcións de clasificarse para as semifinais, pero teñen a obriga de gañar este domingo a Castilla y León e agardar o resultado do encontro entre Asturias e o País Vasco.
FICHA TÉCNICA
4) PAÍS VASCO: Alaitz; Valeria, Marina, Garazi Maroto, Garazi Alonso, Nahia, Enara, Maren, Sara Ortega, Daniela e Jone. Tamén xogaron Intza, Maya, Irune e Enara.
0) GALICIA: Reigosa; Uxía Varela, Carla Riomao, Paula Novo, Sara García, Marta Rico, Andrea Villadeamigo, Fara, Nuria Sánchez, Uxía López e Antía Mayo. Tamén xogaron Carla Amado, Laura Otero, Sara Pena e Brage.
GOLES: 1-0 Enara (min.18). 2-0 Jone (min. 21). 3-0 Marina (min. 45). 4-0 Daniela (min. 70).
EQUIPO ARBITRAL: Alfonso Ros Gómez.
INCIDENCIAS: Segunda xornada da fase final do Campionato de España de Seleccións Autonómicas. San Juan Bosco Los Dolores (Cartagena).
